`హ.. హా.. హాసిని` అంటూ తెలుగు ప్రేక్షకుల హృదయాల్లో చెర‌గ‌ని ముద్ర వేసిన అందాల భామ జెనీలియా.. వివాహం అనంతరం స్పీడు తగ్గించింది. భ‌ర్త‌, పిల్ల‌ల‌కు అధిక ప్రాధాన్య‌త ఇస్తూ చాలా సెలెక్టివ్ గా సినిమాలు చేసింది. తెలుగులో చివరిగా 2012లో విడుదలైన `నా ఇష్టం` మూవీలో కనిపించింది. ఆ తర్వాత మరో తెలుగు సినిమా చేయలేదు. దాదాపు 13 ఏళ్ల విరామానికి తెర దించుతూ జెనీలియా మళ్లీ టాలీవుడ్ కి రీఎంట్రీకి రెడీ అయింది. త్వరలో విడుదల కాబోయే `జూనియర్` మూవీతో జెనీలియా తెలుగు ప్రేక్షకులకు హాయ్ చెప్పబోతోంది.


గాలి జనార్ధన రెడ్డి తనయుడు గాలి కిరీటి ఈ సినిమాతో హీరోగా ఒకేసారి అటు కన్నడలోకి ఇటు తెలుగులోకి లాంచ్ అవుతున్నాడు. శ్రీలీల హీరోయిన్ కాగా.. జెనీలియా ఒక ముఖ్యమైన పాత్రను పోషించింది. జూలై 18న ఈ సినిమా రిలీజ్ కాబోతోంది. ఈ నేపథ్యంలోనే తాజాగా ఓ ఇంటర్వ్యూలో పాల్గొన్న జెనీలియా.. సినిమా విషయాలతో పాటు మరెన్నో ఆసక్తికర విశేషాలు కూడా పంచుకుంది. జూనియర్ స్టోరీ మూడేళ్ల క్రితం తన వద్దకు వచ్చిందని.. క‌థ నచ్చడంతో సినిమాకు గ్రీన్ సిగ్నల్ ఇచ్చానని జెనీలియా తెలిపింది. ఈ చిత్రంలో తన క్యారెక్టర్ సీరియస్ గా ఉన్న కూడా బలమైన భావోద్వేగాలతో సాగుతుందని ఆమె పేర్కొంది.


అలాగే `బొమ్మరిల్లు`లో హాసిని, `హ్యాపీ` మూవీలో మధుమతి పాత్రలు చాలా మెమొరబుల్ గా మిగిలిపోయాయని.. ఇప్పటికీ ఆడియన్స్ ఆ పేర్లతోనే త‌న‌ను పిలుస్తుంటారని.. ఒక నటికి అంతకు మించిన ఆనందం మరొకటి ఉండదని జనీలియా తెలిపింది. అదేవిధంగా ఇకపై తాను ప్రాధాన్యత ఉన్న పాత్రలకే సంతకం చేస్తానని.. ఆ త‌ర‌హా పాత్రలు చేయమని అవకాశం వస్తే ఆడిషన్ ఇవ్వ‌డానికి కూడా తాను రెడీ అని జెనీలియా బోల్డ్ స్టేట్మెంట్ ఇచ్చింది. ప్ర‌స్తుతం ఆమె కామెంట్స్ నెట్టింట వైర‌ల్ గా మారాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Genelia D'Souza

Kavya Nekkanti

16/07/2025 10:15 AM