చిరంజీవి గతంలో ప్రధాని మోదీ రాజ్యసభ సీటు ఆఫర్ చేశారన్న ప్రచారాన్ని కూడా తిరస్కరించారు. జగన్ కూడా ఆఫర్ చేసినా తీసుకోలేదు. గతంలో కేంద్ర మంత్రి అనురాగ్ ఠాకూర్ అడిగినప్పుడు కూడా ఆయన కుండబద్దలగొట్టినట్టు చెప్పారు – "ఇక నా రాజకీయ ప్రయాణం పూర్తి అయిపోయింది" అని. కానీ, ఆయన కలిసిన ప్రతి నాయకుడితో రాజకీయ కోణం పునరుద్భవమవుతోంది. చిరు – రేవంత్ భేటీపై కాంగ్రెస్ వర్గాలే చెబుతున్నాయి – "రాజకీయ చర్చే జరగలేదు". అయినా సోషల్ మీడియాలో కొన్ని వర్గాలు పుకార్లతో వేడి పెంచుతున్నాయి. అయితే చిరంజీవి స్పందిస్తూ – "తాను రాజకీయాలకు దూరంగా ఉన్నా.. తనను ఈ చర్చల్లోకి లాగడం అసహనం కలిగిస్తోంది", అంటూ క్లారిటీ ఇచ్చారు.
అసలు విషయం ఏమిటంటే... చిరంజీవికి ఉన్న గ్లామర్ ను ఉపయోగించుకోవాలని కొన్ని రాజకీయ శక్తులు ఇప్పటికీ కుతంత్రాలు చేస్తున్నాయన్నదే గట్టి మాట. చిరు రాజకీయాల నుంచి వెళ్లిపోయిన తర్వాత జనసేన అధినేతగా పవన్ కళ్యాణ్ ఎదుగుతూ ఉన్నారన్నా, ఆయనను బలహీనపరచాలనే దురుద్దేశంతో చిరు పేరును పొలిటికల్ టూల్‌గా వాడుతున్నారు. ఇది అభిమానులు ఒప్పుకునే విషయమే కాదు! చిరు మాత్రం క్లియర్ – “ఇక రాజకీయాల్లోకి రాను. నేను చేసే మంచే నా పరిచయం!” అయితే అభిమానులు కోరుకుంటున్నది ఒక్కటే – ఆయన మాటల్ని గౌరవించాలి, చిరును రాజకీయ గాసిప్స్ నుంచి దూరంగా ఉంచాలి! వెండితెర మీద చిరు కనిపించాలి, రాజకీయ రంగులో కాదు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి