ఎందుకంటే ఒక సినిమా విజయవంతం కావడం అంటే కేవలం హీరో, హీరోయిన్ కృషి మాత్రమే కాదు — దాని వెనుక ఉన్న వందలాది మంది సినీ కార్మికుల శ్రమ, నిర్మాతల పెట్టుబడి, థియేటర్ల షెడ్యూల్స్ అన్నీ కలిసి ఉండాలి. రెండు భారీ సినిమాలు ఒకేసారి విడుదలైతే కలెక్షన్లు సగం సగం అయిపోవడం, థియేటర్ షేరింగ్ సమస్యలు రావడం వంటివి జరుగుతాయి. చివరికి దెబ్బ తినేది చిన్న టీంలే.ఇదే విషయం ఇప్పుడు టాలీవుడ్‌లో హాట్ టాపిక్‌గా మారింది. రామ్ చరణ్ నటిస్తున్న భారీ బడ్జెట్ యాక్షన్ ఎంటర్టైనర్ “పెద్ది సినిమా” మార్చి 27న హీరో పుట్టినరోజు సందర్భంగా రిలీజ్ అవుతుందని ఫిక్స్ అయింది. అదే సమయంలో నేచురల్ స్టార్ నాని నటించిన “ది పారడైజ్” సినిమాను కూడా అదే వారాంలో — మార్చి 26న — రిలీజ్ చేయాలని మూవీ మేకర్స్ మొదట ప్లాన్ చేశారు.
దీంతో ఇరు సినిమాలు బ్యాక్ టు బ్యాక్‌గా రానున్నాయి. ఫలితంగా బాక్సాఫీస్ వద్ద కలెక్షన్ల పరంగా, థియేటర్ల షేరింగ్ పరంగా గట్టి ఇబ్బందులు తలెత్తే అవకాశం ఉందని ట్రేడ్ వర్గాలు అంచనా వేశాయి.అలాంటి సమయంలో, ఎవరూ తగ్గని ఈ రేసులో ముందుగా పెద్ద మనసు చూపినవారు హీరో నాని. ఆయన తన సినిమా “ది పారడైజ్” విడుదల తేదీని మార్చి నుంచి ఏప్రిల్ మొదటి వారానికి వాయిదా వేసుకోవాలని నిర్ణయించుకున్నారని సమాచారం. ఇది కేవలం తాను కాదు, పరిశ్రమలోని ప్రతి ఒక్కరికీ లాభం చేకూర్చే ఆలోచన అని అభిమానులు చెబుతున్నారు.
ఇటీవ‌లే నందమూరి బాలకృష్ణ కూడా ఓజీ రిలీజ్ అవుతున్న సందర్భంగా తన అఖండ మూవీని వాయిదా వేసుకున్నారు. ఇప్పుడు అదే దారిలో నాని కూడా సాగుతున్నారు. “ఇండస్ట్రీకి ఇబ్బంది కలగకూడదు” అనే దృష్టితో తీసుకున్న ఈ నిర్ణయం నిజంగా ప్రశంసనీయమని సోషల్ మీడియాలో నాని పై ప్రశంసల వర్షం కురుస్తోంది.నాని ఎప్పుడూ తన సినిమాలను హెల్తీ కాంపిటీషన్‌లోనే తీసుకువచ్చేవాడు. ఇతర హీరోల పట్ల గౌరవం చూపడం, ఫ్యాన్ వార్స్‌కి దూరంగా ఉండడం ఆయన స్టైల్‌కి ప్రత్యేక గుర్తింపు తీసుకొచ్చింది. ఈసారి కూడా అదే రీతిలో పెద్ద మనసుతో ముందుకు వచ్చి “రియల్ హీరో”గా నిలిచాడు.
ట్రేడ్ విశ్లేషకుల మాటల్లో చెప్పాలంటే —“ఇండస్ట్రీ అంటే కేవలం హీరోల పోటీ కాదు. అది అందరి కృషి కలయిక. నాని తీసుకున్న ఈ నిర్ణయం నిజంగా ఇతర స్టార్‌లకు ఒక మంచి ఉదాహరణ.”ఏప్రిల్ మొదటి వారంలో “ది పారడైజ్” విడుదలకు సిద్ధమవుతున్న నేపథ్యంలో, ఆ సినిమాపై ఇప్పుడు అంచనాలు మరింత పెరిగిపోయాయి. మరోవైపు, రామ్ చరణ్ సినిమా కూడా తన స్థాయిలో భారీగా విడుదలకు సిద్ధమవుతుండటంతో, ఈ రెండు సినిమాలు టాలీవుడ్ సమ్మర్‌ సీజన్‌కి నిజమైన ఫెస్టివల్ మూడ్ తీసుకురాబోతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి