- ( టాలీవుడ్ - ఇండియా హెరాల్డ్ ) . . .
టాలీవుడ్‌లో రికార్డులు సృష్టించడం, వాటిని మరొకరు బద్ధలుకొట్టడం సాధారణ విషయమే. కానీ ఇప్పుడు సోషల్ మీడియా కూడా ఈ పోటీలో భాగమైంది. సినిమాల ప్రమోషనల్ పోస్టులు, ఫస్ట్ లుక్ పోస్టర్లు లేదా టీజర్లు ఇవి ఇప్పుడు రికార్డుల కొలమానాలుగా మారాయి. అలాంటి రికార్డుల్లో ఒక‌టి ప్రస్తుతం ఐకాన్ స్టార్ అల్లు అర్జున్ పేరుతో ఉంది. అల్లు అర్జున్ నటించిన ‘పుష్ప-2: ది రూల్’ ఫస్ట్ లుక్ పోస్టర్ సోషల్ మీడియా ప్లాట్‌ఫాం ఎక్స్ లో సెన్సేషన్ సృష్టించింది. ఆ పోస్టర్‌కు ఏకంగా 2.85 లక్షల లైకులు, 14 మిలియన్ ఇంప్రెషన్‌లు వచ్చాయి. ఈ సంఖ్యలు తెలుగు సినీ చరిత్రలో ఇంతవరకు ఎవరూ ట‌చ్ చేయ‌లేని విధంగా ఉన్నాయి. దీంతో ‘పుష్ప-2’ ఫస్ట్ లుక్ పోస్ట్ ఇప్పటివరకు అత్యధిక రీచ్ సాధించిన తెలుగు సినిమా ప్రమోషనల్ కంటెంట్‌గా నిలిచింది.
ఇక ఇప్పుడు ఈ రికార్డును బద్దలుకొట్టే అవకాశం ఒక్క హీరోకే ఉందని సినీ వర్గాలు చెబుతున్నాయి. అతడే సూపర్ స్టార్ మహేష్ బాబు. దర్శకుడు ఎస్.ఎస్. రాజమౌళితో మహేష్ చేస్తున్న గ్లోబల్ అడ్వెంచర్ ఫిల్మ్‌పై అంచనాలు ఆకాశాన్ని తాకుతున్నాయి. నవంబర్‌లో ఈ సినిమా నుంచి ఫస్ట్ లుక్ పోస్టర్ విడుదల కానుందని సమాచారం. రాజమౌళి స్పెషల్ ప్రెజెంటేషన్‌తో, ప్రపంచస్థాయి డిజైన్‌తో పోస్టర్ వస్తే, ‘పుష్ప-2’ రికార్డును బద్ధలుకొట్టడం ఖాయమని అభిమానులు భావిస్తున్నారు. బన్నీ సృష్టించిన రికార్డు నిలబడుతుందా ? లేక మహేష్ - రాజమౌళి కాంబో దానిని చెరిపేస్తుందా ? అనేది ఇప్పుడు టాలీవుడ్ మరియు సోషల్ మీడియా వేదికలలో హాట్ టాపిక్‌గా మారింది.
ఈ వాట్సాప్ నెంబ‌ర్‌కు మీ జిల్లాలో రాజ‌కీయ, సామాజిక స‌మ‌స్య‌లు వివ‌రాలు పంపండి..
ఏపీ, తెలంగాణలో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి