వివరాల్లోకి వెళ్తే — అల్లు అర్జున్ హీరోగా, కొలీవుడ్ స్టార్ డైరెక్టర్ అట్లీ దర్శకత్వంలో ఒక భారీ సైంటిఫిక్ ఫిక్షన్ చిత్రం తెరకెక్కుతోంది. ఈ సినిమా పాన్ ఇండియా స్థాయిలో తెరకెక్కించబడుతోంది. కథ పునర్జన్మల నేపథ్యంతో సాగుతుందని తెలిసింది. హై-విజువల్ ఎఫెక్ట్స్, అద్భుతమైన సాంకేతిక నాణ్యత, భారీ బడ్జెట్‌తో ఈ సినిమా రూపొందుతోంది.ఈ చిత్రంలో బాలీవుడ్ టాప్ హీరోయిన్ దీపికా పదుకొణె ప్రధాన కథానాయికగా నటిస్తోంది. ఇప్పటికే దీపికా, అట్లీ, అల్లు అర్జున్ కాంబినేషన్ పట్ల ప్రేక్షకుల్లో భారీ అంచనాలు నెలకొన్నాయి. ప్రస్తుతం ఈ చిత్రం హైదరాబాద్, చెన్నై, ముంబై లొకేషన్లలో వేగంగా షూటింగ్ జరుపుకుంటోంది.
ఇదిలా ఉంటే, తాజాగా సినిమా యూనిట్‌లోనుంచి మరో ఇంట్రెస్టింగ్ అప్‌డేట్ బయటకి వచ్చింది. ఈ సినిమాలో ఒక స్పెషల్ సాంగ్‌ను ప్లాన్‌ చేస్తున్నారట. ఆ సాంగ్‌ కోసం పూజా హెగ్డేను సంప్రదించారని సమాచారం. పూజా ఇప్పటికే బన్నీతో చేసిన రెండు సినిమాల్లోనూ పాటల ద్వారా మంచి హైలైట్ అయ్యింది. “బుట్టబొమ్మ” పాట ఆమె కెరీర్‌లో టర్నింగ్ పాయింట్లుగా మారాయి. ఇప్పుడు మూడోసారి కూడా బన్నీతో కలిసి చిందులు వేయబోతుందనే వార్తతో అభిమానులు సంబరపడుతున్నారు.ఇక ఈ స్పెషల్ సాంగ్‌పై కూడా భారీ స్థాయిలో ఖర్చు చేస్తున్నారని సినీ వర్గాల సమాచారం. ఫ్యూచరిస్టిక్ థీమ్‌లో రూపొందుతున్న ఈ పాటలో పూజా, బన్నీ లుక్‌ పూర్తిగా డిఫరెంట్‌గా ఉండబోతోందట. పూజా స్టైలింగ్‌, డ్యాన్స్ మూావ్స్‌, విజువల్ ట్రీట్ అన్నీ కలిసి ఈ సాంగ్‌ సినిమాకు మెయిన్ హైలైట్‌గా నిలవనున్నాయనే టాక్ వినిపిస్తోంది.ఈ వార్త నిజమైతే, అది తెలుగు ప్రేక్షకులకు, బన్నీ అభిమానులకు నిజంగా పండుగే అవుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి