15 മിനിട്ടു പവർ കട്ട് ഏർപ്പെടുത്തും; പ്രതിസന്ധിയുണ്ടായാൽ പവർക്കട്ട് വേണ്ടിവരുമെന്ന് വൈദ്യുതി വകുപ്പ് മന്ത്രി കെ കൃഷ്ണൻ കുട്ടി വ്യക്തമാക്കിയ സാഹചര്യത്തിൽ പവർകട്ട് നിലവിൽ വരാനുള്ള സാധ്യതകൾ തള്ളാൻ കഴിയില്ല. വൈദ്യുതി പ്രതിസന്ധി സംബന്ധിച്ച് കെഎസ്ഇബി കാര്യങ്ങൾ കൃത്യമായി നിരീക്ഷിച്ചുവരികയാണ്. പഞ്ചാബ്, രാജസ്ഥാൻ സംസ്ഥാനങ്ങൾ പവർകട്ട് ഏർപ്പെടുത്തിയതോടെയാണ് മറ്റ് സംസ്ഥാനങ്ങളിൽ നിന്നും വൈദ്യുതി വാങ്ങുന്ന കേരളത്തിലും വൈദ്യുതി നിയന്ത്രണം വേണ്ടിവരുമോ എന്ന ചോദ്യം ഉയരുന്നത്. രാജ്യത്ത് കൽക്കരി ക്ഷാമം രൂക്ഷമായതോടെ പവർകട്ട് ഏർപ്പെടുത്തുമോ എന്ന ആശങ്കയിലാണ് കേരളം. വൈദ്യുതി പ്രതിസന്ധിയിൽ സർക്കാർ നിർണായക തീരുമാനം സ്വീകരിക്കുമെന്നാണ് പുറത്തുവരുന്ന റിപ്പോർട്ട്.
വൈദ്യുതി ലഭ്യത കുറഞ്ഞതിനാൽ ഉപയോഗം കുറയ്ക്കുകയാണ് ആവശ്യമെന്നും അല്ലാത്തപക്ഷം നിയന്ത്രണം വേണ്ടിവരുമെന്നുമാണ് വിലയിരുത്തൽ. സംസ്ഥാനത്ത് മഴ തുടരുന്നതിനാൽ വൈദ്യുതി ഉപഭോഗത്തിൽ നിലവിൽ കുറവുണ്ട്. എന്നാൽ പ്രതിസന്ധി തുടരുമെന്ന സൂചനകൾ ലഭിക്കുന്നതിനാൽ വരും മാസങ്ങളിൽ കേരളത്തിൽ വൈദ്യുതി ഉപഭോഗം വർധിക്കാനുള്ള സാധ്യതയുണ്ട്. രാജ്യത്ത് കൽക്കരിക്ഷാമം രൂക്ഷമായതിനാൽ താപവൈദ്യുത നിലയങ്ങളിൽ നിന്നുള്ള വൈദ്യുതി ലഭ്യത കുറഞ്ഞതിനാൽ കേരളത്തിൽ വൈദ്യുതി നിയന്ത്രണം ഉണ്ടായാക്കേമെന്ന് മാതൃഭൂമി റിപ്പോർട്ട് ചെയ്തു. എന്നാൽ ഇക്കാര്യത്തിൽ സർക്കാരിൻ്റെ ഭാഗത്ത് നിന്നും ഔദ്യോഗിക പ്രതികരണമോ പ്രഖ്യാപനമോ ഉണ്ടായിട്ടില്ല. കോഴിക്കോട് നല്ലളത്തെ ഡീസൽ വൈദ്യുതനിലയത്തിൽ ഉത്പാദനം മുടങ്ങിക്കിടക്കുകയാണ്.
ഈ വൈദ്യുതനിലയം പ്രവർത്തന സജ്ജമാക്കാൻ യോഗം തീരുമാനിച്ചു. ഇങ്ങോട്ടുള്ള ഡീസൽ താപനിലയത്തിൻ്റെ പ്രവർത്തനത്തിന് ഇന്ധനം ബിപിസിഎല്ലിനോട് ആവശ്യപ്പെടാനാണ് കെഎസ്ഇബിയുടെ നീക്കം. അതിനിടെ കൂടങ്കുളം ആണവനിലയത്തിൽ നിന്ന് മുടങ്ങിയിരുന്ന 130 മെഗാവാട്ട് വൈദ്യുതി ലഭിക്കാൻ തുടങ്ങിയിട്ടുണ്ട്. താപവൈദ്യുത നിലയങ്ങളിൽ നിന്നുള്ള വൈദ്യുതി ലഭ്യത കുറഞ്ഞതോടെ സാഹചര്യം വിലയിരുത്താൻ കെഎസ്ഇബി ഞായറാഴ്ച പ്രത്യേക യോഗം ചേർന്നു. കൂടുതൽ നിയന്ത്രണങ്ങൾക്ക് സാധ്യതയുള്ളതിനാൽ അത്തരം സാഹചര്യം ഉണ്ടാകാതിരിക്കാൻ വൈദ്യുതി വാങ്ങാൻ ദിവസേന രണ്ട് കോടിരൂപ അധികമായി ചെലവിടാൻ യോഗം തീരുമാനിച്ചു.
രാജ്യത്ത് കൽക്കരി ക്ഷാമം രൂക്ഷമായതോടെ സംസ്ഥാനത്ത് 15 മിനിറ്റ് വൈദ്യുതി നിയന്ത്രണം ഏർപ്പെടുത്താനുള്ള സാധ്യതകൾ നിലവിലുണ്ടെന്നാണ് റിപ്പോർട്ട്. സംസ്ഥാനത്തിന് പുറത്തുനിന്നുള്ള 27 താപനിലയങ്ങളിൽ നിന്നാണ് കേരളം വൈദ്യുതി വാങ്ങുന്നതെന്ന് വൈദ്യുതിബോർഡ് ചെയർമാൻ ഡോ. ബി അശോക് പറഞ്ഞു. "ഈ 27 താപനിലയങ്ങളിൽ മൂന്ന് ഇടങ്ങളിലാണ് വൈദ്യുതി തടസപ്പെട്ടിരിക്കുന്നത്. കേരളം വൈദ്യുതി വാങ്ങുന്ന പ്രധാന നിലയങ്ങൾക്ക് സ്വന്തമായി കൽക്കരി ഖനികളുണ്ട്. അവയെ കൽക്കരിക്ഷാമം നിലവിൽ ബാധിച്ചിട്ടില്ല. എന്നാൽ പ്രതിസന്ധി തുടരുന്ന സാഹചര്യമുണ്ടായാൽ ഈ നിലയങ്ങളിലേക്കും നീണ്ടാൽ കേരളത്തിൽ കൂടുതൽ നിയന്ത്രണം വേണ്ടിവരും" - എന്ന് അദ്ദേഹം വ്യക്തമാക്കി.
സംസ്ഥാനത്ത് പവർക്കട്ട് സാധ്യത തള്ളാതെയുള്ള പ്രതികരണമാണ് വൈദ്യുതി വകുപ്പ് മന്ത്രി കെ കൃഷ്ണൻ കുട്ടി കഴിഞ്ഞ ദിവസം നടത്തിയത്. കേന്ദ്രത്തിൽ നിന്നും ആയിരം മെഗാവാട്ടാണ് കിട്ടേണ്ടതെങ്കിലും അതിൽ കുറവുണ്ടായി. ഇതിനൊപ്പം മറ്റ് സംസ്ഥാനങ്ങളിൽ നിന്നും ലഭിക്കുന്ന വൈദ്യുതിയുടെ അളവിലും കുറവുണ്ടായി. കൂടം കുളത്ത് നിന്ന് ലഭിക്കേണ്ടതിൻ്റെ മുപ്പത് ശതമാനം വൈദ്യുതി മാത്രമാണ് ലഭിക്കുന്നത്. ഈ സാഹചര്യം തുടർന്നാൽ പവർക്കട്ട് വേണ്ടിവരുമെന്നും അദ്ദേഹം പറഞ്ഞിരുന്നു.
Find out more:
click and follow Indiaherald WhatsApp channel