ആറന്മുളയിലെ ആചാരങ്ങൾ മിത്തല്ല; ക്ഷേത്രദർശനത്തിനുശേഷം വള്ളസദ്യയിലും പങ്കെടുത്ത് നടൻ സുരേഷ് ഗോപി! എല്ലാവർഷവും മുടങ്ങാതെയുള്ള വരവ് ഇക്കുറിയും ആവർത്തിച്ചിരിക്കുകയാണ് സുരേഷ് ഗോപി. ആറന്മുളയിലെ ആചാരങ്ങൾ മിത്തല്ലെന്ന് പറഞ്ഞാണ് സുരേഷ് ഗോപി ചടങ്ങുകളിൽ പങ്കെടുത്തത്. വേണുഗോപലാകട്ടെ വള്ളപ്പാട്ട് ആസ്വദിക്കുകയും അത് പകർത്തുകയും ചെയ്തു. തിരുവിതാംകൂർ രാജകുടുംബവുമായി ബന്ധപ്പെട്ട വള്ളസദ്യ ചടങ്ങുകളിൽ പങ്കെടുക്കാനാണ് ഗായകൻ ജി വേണുഗോപാലിനൊപ്പം സുരേഷ് ഗോപി ആറന്മുളയിലെത്തിയത്. തിരുവിതാംകൂർ രാജകുടുംബാംഗം ഉത്രാടം തിരുനാൾ മാർത്താണ്ഡ വർമ്മ നേരിട്ടെത്തി ആരംഭിച്ച വഴിപാട് അദ്ദേഹത്തിൻ്റെ മരണശേഷം ഫൗണ്ടേഷനാണ് നടത്തുന്നത്.
ഉത്രാടം തിരുനാൾ എത്തിയപ്പോൾ വാളും പരിചയുമെടുത്ത് പടനായകൻ്റെ റോളിലായിരുന്നു നടൻ സുരേഷ് ഗോപി അനുഗമിച്ചത്. ചെറുകോൽ പള്ളിയോടക്കരയിൽ എത്തിയിരുന്ന ഉത്രാടം തിരുനാൾ അന്ന് രാജമുദ്ര പള്ളിയോടത്തിനു സമർപ്പിച്ചിരുന്നു. ഇതിൻ്റെ സ്മരണ നിലനിർത്താൻ മാലിപ്പുരക്ക് സമീപം ഫലകവും പീഠവും സ്ഥാപിച്ചിട്ടുണ്ട്. ഉത്രാടം തിരുനാൾ ഫൗണ്ടേഷൻ അയിരൂർ, ചെറുകോൽ, കാട്ടൂർ പള്ളിയോടങ്ങൾക്ക് ആറന്മുളയിൽ നടത്തിയ വഴിപാട് വള്ളസദ്യയിലാണ് ഇരുവരും പങ്കെടുത്തത്. നെടുംപ്രയാർ തേവലശേരി ദേവീ ക്ഷേത്രത്തിൽ പുതുതായി പണി തീർത്ത ഗോപുരവാതിൽ സമർപ്പണവും നടൻ സുരേഷ് ഗോപി നിർവഹിച്ചു. കരയോഗം പ്രസിഡൻ്റ് എസ് അജിത് കുമാർ അധ്യക്ഷത വഹിച്ചു. കോട്ടയം ശിവരാമൻ ആചാരിയുടെ നേതൃത്വത്തിലാണ് വാതിൽ നിർമ്മിച്ചത്.
12 ലക്ഷത്തിലധികം രൂപ ചെലവഴിച്ചാണ് നിർമ്മാണം പൂർത്തിയാക്കിയത്. നടൻ സുരേഷ് ഗോപി, ഗായകൻ ജി വേണുഗോപാൽ തുടങ്ങിയവർ ഇന്നലെ രാവിലെ ചെറുകോൽ എത്തി കരനാഥന്മാർക്ക് ദക്ഷിണ നൽകി. ഉത്രാടം തിരുനാൾ സ്മാരകത്തിൽ പുഷ്പാർച്ചനയും നടത്തി. ആറന്മുളയിൽ എത്തിയ പള്ളിയോടങ്ങളെ സ്വീകരിക്കാനും ഇവർ എത്തിയിരുന്നു. പാർത്ഥസാരഥി ക്ഷേത്രദർശനം നടത്തിയശേഷം കരക്കാർക്കൊപ്പം വള്ളസദ്യയും കഴിച്ചാണ് ഇരുവരും മടങ്ങിയത്. അഷ്ടമിരോഹിണി വള്ളസദ്യ കൂപ്പൺ വിതരണം ആറന്മുളയിൽ പള്ളിയോട സേവാ സംഘം പ്രസിഡന്റ് കെഎസ് രാജൻ നിർവഹിച്ചു. ഒരുലക്ഷം പേർ സമൂഹസദ്യയിൽ പങ്കെടുക്കുമെന്നാണ് പ്രതീക്ഷിക്കുന്നത്. സമൂഹ വള്ളസദ്യയിൽ വഴിപാട് സമർപ്പിക്കുവാൻ ആഗ്രഹിക്കുന്ന ഭക്തജനങ്ങൾക്കു സംഭാവന നൽകാവുന്നതാണ്. സംഭാവന നൽകുന്നവർക്ക് പ്രത്യേകം പാസ് പള്ളിയോട സേവാസംഘം നൽകും.
ഉത്രാടം തിരുനാൾ സ്മാരകത്തിൽ പുഷ്പാർച്ചനയും നടത്തി. ആറന്മുളയിൽ എത്തിയ പള്ളിയോടങ്ങളെ സ്വീകരിക്കാനും ഇവർ എത്തിയിരുന്നു. പാർത്ഥസാരഥി ക്ഷേത്രദർശനം നടത്തിയശേഷം കരക്കാർക്കൊപ്പം വള്ളസദ്യയും കഴിച്ചാണ് ഇരുവരും മടങ്ങിയത്. അഷ്ടമിരോഹിണി വള്ളസദ്യ കൂപ്പൺ വിതരണം ആറന്മുളയിൽ പള്ളിയോട സേവാ സംഘം പ്രസിഡന്റ് കെഎസ് രാജൻ നിർവഹിച്ചു. ഒരുലക്ഷം പേർ സമൂഹസദ്യയിൽ പങ്കെടുക്കുമെന്നാണ് പ്രതീക്ഷിക്കുന്നത്. സമൂഹ വള്ളസദ്യയിൽ വഴിപാട് സമർപ്പിക്കുവാൻ ആഗ്രഹിക്കുന്ന ഭക്തജനങ്ങൾക്കു സംഭാവന നൽകാവുന്നതാണ്.
Find out more:
click and follow Indiaherald WhatsApp channel