ఇలా మనుషుల్లో ఉండాల్సిన మానవత్వం పూర్తిగా మంట కలిసి పోయింది అని నిరూపించే ఘటనలు నేటి రోజుల్లో కోకోలలుగా సోషల్ మీడియాలో ప్రత్యక్షమవుతూ ఉన్నాయి అని చెప్పాలి. ఇక ఇలాంటి ఘటనలు చూసిన తర్వాత మనుషులు మరి ఇంత దారుణంగా తయారయ్యారా అనే భావన ప్రతి ఒక్కరిలో కలుగుతుంది. ఇక ఇప్పుడు మనం మాట్లాడుకోబోయేది కూడా ఇలాంటి తరహా ఘటన గురించే అని చెప్పాలి. ఇంటి ఓనర్ చేసిన పని కారణంగా ఏకంగా ప్రాణాలు కోల్పోయిన లచ్చయ్య అనే వ్యక్తి మృతదేహాన్ని ఎక్కడ సందర్శనకు పెట్టకుండా నేరుగా స్మశాన వాటికకే తీసుకెళ్లాల్సిన పరిస్థితి ఏర్పడింది.
ఈ అమానవీయ ఘటన మెదక్ జిల్లాలో వెలుగులోకి వచ్చింది.. చేగుంట వాసి మంద లచ్చయ్య అనే 45 ఏళ్ల వ్యక్తి అనారోగ్యంతో ఇటీవల చనిపోయాడు. అయితే కుటుంబ సభ్యులు అతని మృతదేహాన్ని సందర్శనార్థం ఇక అతను రెంటుకి ఉంటున్న ఇంటి ముందు ఉంచేందుకు తీసుకువచ్చారు. కానీ ఇంటి యజమాని మాత్రం మృతదేహాన్ని ఇంటి ఆవరణలో ఉంచేందుకు ఒప్పుకోలేదు. ఎంత బ్రతిమిలాడినా ఆ ఇంటి యజమాని మనసు కరగలేదు. ఈ క్రమంలోనే కుటుంబ సభ్యులు నేరుగా మృతదేహాన్ని ఆసుపత్రి నుంచి ఇక స్మశాన వాటికకు తరలించారు. అయితే ఇలా అమానవీయంగా ప్రవర్తించిన ఇంటి యజమాని పై విమర్శలు వస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి