ఎల్ఐసీ కంపెనీకి ఇది మంచి టైం.. పాలసీలు తీసుకొనే వారి సంఖ్య ఎక్కువ కావడంతో కొత్త ఏజెంట్ల ను నియమించడం ప్రత్యేక శ్రద్ద వహిస్తుంది.2020 ఏప్రిల్ 1 నాటికి ఎల్ఐసీ ఏజెంట్ల సంఖ్య 12,08,826 కాగా 2021 ఏప్రిల్ 1 నాటికి 13,53,808 ఏజెంట్లు ఉన్నారు. అంటే ఒక్క ఏడాదిలోనే ఎల్ఐసీలో 1,44,982 ఏజెంట్లు పెరిగారు. కరోనా వైరస్ మహమ్మారి కారణంగా లైఫ్ ఇన్స్యూరెన్స్, హెల్త్ ఇన్స్యూరెన్స్ పాలసీలకు డిమాండ్ పెరిగిన సంగతి తెలిసిందే. ఇప్పటికే బీమా రంగంలో దిగ్గజ కంపెనీ అయిన ఎల్ఐసీ డిమాండ్‌కు తగ్గట్లుగా బిజినెస్ ను పెంచుకుంటూ పోతుంది..
ఈ ఏడాది ఆర్ధిక సంవత్సరంలో ఎల్ఐసీలో 3,45,469 కొత్త ఏజెంట్లు చేరారు.. కేవలం ఒక్కరోజులో 1000 మందికి ఉద్యోగ అవకాశాలను కల్పిస్తున్నారు.సంస్థలో ఏజెంట్‌గా చేరడానికి కేవలం టెన్త్ పాస్ అయితే చాలు. ఇన్స్యూరెన్స్ రంగం, పర్సనల్ ఫైనాన్స్ లాంటి అంశాల్లో కాస్త అవగాహన ఉంటే ఇంకా మంచిది. టెన్త్ పాసై, 18 ఏళ్ల వయస్సు దాటినవారు ఎవరైనా ఎల్ఐసీ ఏజెంట్ కావొచ్చు. ఆన్‌లైన్‌లోనే దరఖాస్తు చేయొచ్చు. పూర్తి వివరాలు https://www.licindia.in/ వెబ్‌సైట్‌లో ఉంటాయి. లేదా మీకు దగ్గర్లోని ఎల్ఐసీ బ్రాంచ్ ఆఫీస్‌కు వెళ్లి అక్కడ డెవలప్మెంట్ ఆఫీసర్‌ని కలిసి వివరాలు తెలుసుకోవచ్చు. అక్కడే దరఖాస్తు చేసుకోవచ్చు..
ఎలా అప్లై చేసుకోవాలో ఇప్పుడు చూద్దాం..టెన్త్ మెమో, 6 పాస్‌పోర్ట్ సైజ్ ఫోటోలు, ఐడీ ప్రూఫ్, అడ్రస్ ప్రూఫ్ లాంటి డాక్యుమెంట్స్ తీసుకెళ్లాలి. మొదట బ్రాంచ్ మేనేజర్ మిమ్మల్ని ఇంటర్వ్యూ చేసి మీరు ఏజెంట్‌గా పనికి వస్తారో లేదో నిర్ణయిస్తారు.. అక్కడ మేనేజర్ కు మీ ఇంటర్వ్యూ పెర్ఫార్మెన్స్ నచ్చితే డైరెక్ట్ గా ట్రైనింగ్ కు పంపిస్తారు.ఇన్స్యూరెన్స్ బిజినెస్‌కు సంబంధించి 25 గంటల శిక్షణ ఉంటుంది. శిక్షణ విజయవంతంగా పూర్తి చేసిన తర్వాత ప్రీ-రిక్రూట్‌మెంట్ ఎగ్జామ్ రాయాలి. ఇన్స్యూరెన్స్ రెగ్యులేటరీ అండ్ డెవలప్మెంట్ అథారిటీ ఆఫ్ ఇండియా ఈ ఎగ్జామ్ నిర్వహిస్తుంది. ఎగ్జామ్ రాసిన తర్వాత ఇన్స్యూరెన్స్ ఏజెంట్‌గా మిమ్మల్ని నియమిస్తూ అపాయింట్‌మెంట్ లెటర్, ఐడీ కార్డ్ వస్తుంది. అక్కడ ఆఫీస్ కు తగ్గట్లు డెవలప్మెంట్ లో ఏజెంట్ గా పనిచేయాల్సి వస్తోంది..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి