మెగా పవర్ స్టార్ రామ్ చరణ్ ఒక ఇంటర్వ్యూలో స్పందిస్తూ ఆర్.ఆర్.ఆర్ సినిమాని త్వరలో 30 దేశాల్లో విడుదల చేయబోతున్నట్లుగా ప్రకటించాడు. ఈ రేంజిలో వసూళ్లను దక్కించుకున్న సినిమాను మరో ముప్పై దేశాల్లో రిలీజ్ చేయడం అంటే ఖచ్చితంగా బాహుబలి 2 రికార్డు బ్రేక్ అయ్యేలా ప్లాన్ చేస్తున్నారంటూ సమాచారం వినిపిస్తుంది.దేశ వ్యాప్తంగా భారీ ఎత్తున కలెక్షన్స్ దక్కించుకున్న ఈ సినిమా ను ఇతర దేశాల్లో ఆయా భాషల్లో రిలీజ్ చేయడం వల్ల ఖచ్చితంగా భారీగా వసూళ్లు నమోదు అయ్యే అవకాశం ఉంది. జపాన్ దేశంతో పాటు పలు దేశాలకు సంబంధించిన ప్రేక్షకులు అందరూ కూడా రాజమౌళి సినిమా ల కోసం ఎంతో ఆసక్తిగా ఎదురు చూస్తున్నారు. కాబట్టి ఈ సినిమా అక్కడ రిలీజ్ చేయడం మంచిదనే అభిప్రాయం వ్యక్తం అవుతుంది.బాహుబలి 2 సినిమా చైనాలో రిలీజ్ అయ్యి ఆశించిన స్థాయిలో ఆకట్టుకోలేక పోయింది. కాని rrr సినిమాని కనుక విడుదల చేస్తే ఖచ్చితంగా అక్కడి ప్రేక్షకులను ఆకట్టుకుంటుందనే నమ్మకం వ్యక్తం అవుతోంది.



ఎన్నో భారీ అంచనాల నడుమ రూపొందిన ఆర్.ఆర్.ఆర్ సినిమాని చైనా తో పాటు ఇంకా పలు దేశాల్లో రిలీజ్ చేసేందుకు ప్రయత్నాలు చేస్తున్నారు. ఈ సంవత్సరం చివరి వరకు ఈ సినిమాను ఏదో ఒక దేశంలో ఆడిస్తూనే ఉండాలని తెగ ప్రయత్నాలు చేస్తున్నారు.ఎన్టీఆర్ ఇంకా రామ్ చరణ్ లు హీరోలుగా ఆలియా భట్ హీరోయిన్ గా అజయ్ దేవగన్ కీలక పాత్రలో నటించిన ఈ చిత్రానికి ఎం ఎం కీరవాణి సంగీతాన్ని అందించాడు. అద్బుతమైన సినిమా గా విజువల్ వండర్ గా ఉందంటూ ఈ సినిమాకి అనేక రకాల రివ్యూలు కూడా వచ్చాయి.దాంతో ఈ సినిమా వెయ్యి కోట్లు చాలా ఈజీగానే రాబట్టింది. ఇంకా మరో అయిదు వందల కోట్ల వసూళ్లను ఈ సినిమా రాబట్టాలనే పట్టుదలతో ఆర్.ఆర్.ఆర్ మేకర్స్ ఉన్నారు. మరి అది ఎంత వరకు సాధ్యం అవుతుందో అనేది ఇక చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Purushottham Vinay

14/04/2022 10:15 PM