മമ്മൂട്ടിയെ കണ്ടപ്പോൾ കരഞ്ഞത് എന്തിനായിരുന്നു; മമിതയുടെ വാക്കുകൾ ഇങ്ങനെ! മമിത ബൈജു എന്ന നടി ശ്രദ്ധിയ്ക്കപ്പെട്ടത് ഓപ്പറേഷൻ ജാവ എന്ന ചിത്രത്തിന് ശേഷമാണ്. സർവ്വോപരി പാലക്കാരൻ, വരത്തൻ, വികൃതി തുടങ്ങി നിരവധി സിനിമകൾ ചെയ്തിട്ടുണ്ട്. അതിന് ശേഷം ചെയ്ത ഖൊഖൊ, സൂപ്പർ ശരണ്യ പോലുള്ള സിനിമകളിൽ എല്ലാം പ്രധാന റോളുകളിൽ തന്നെ താരം എത്തി. പ്രണയ വിലാസം ആണ് ശരണ്യയുടെ പുതിയ സിനിമ. എന്നാൽ ഒരു നടി ആയി എങ്കിലും തനിയ്ക്ക് വലിയ മാറ്റങ്ങൾ ഒന്നും സംഭവിച്ചിട്ടില്ല എന്ന് മമിത പറയുന്നു. ടിവിയിൽ മാത്രം കാണുന്ന, ഒട്ടും പരിചിതമല്ലാത്ത ഒരു ലോകം. ഞാൻ ഒരിക്കലും അവിടേക്ക് എത്തും എന്ന് കരുതിയിരുന്നില്ല. സിനിമ എന്നത് എന്റെ വിദൂര സ്വപ്നത്തിൽ പോലും ഇല്ലാതിരുന്ന കാര്യമാണ്.
എട്ടാം ക്ലാസിലും ഒൻപതാം ക്ലാസിലും ഒക്കെ പഠിക്കുമ്പോൾ ഒന്നും സിനിമ എനിക്ക് മറ്റൊരു ലോകമായിരുന്നു. എന്നാൽ യാദൃശ്ചികമായി സിനിമയിൽ എത്തിയതിന് ശേഷം ഞാൻ സിനിമ സ്വപ്നം കാണാൻ തുടങ്ങി. നല്ല നല്ല റോളുകൾ കിട്ടാൻ ആഗ്രഹിച്ചു. വളരെ പതുക്കെ സ്റ്റെപ് ബൈ സ്റ്റെപ് ആയിട്ടാണ് സിനിമയിൽ ഞാൻ ചുവട് വച്ചത്. ഇപ്പോൾ ചിന്തിയ്ക്കുമ്പോൾ വളരെ അധികം സന്തോഷം തോന്നുന്നുണ്ട്. അതേസമയം സിനിമയിൽ എത്തിയത് കൊണ്ട് എനിക്കോ എന്റെ ജീവിത രീതിയ്ക്കോ കാര്യമായ മാറ്റങ്ങൾ സംഭവിച്ചതായി തോന്നുന്നില്ല.
ഞാൻ ഇപ്പോഴും കെഎസ്ആർടിസി ബസ്സിൽ തന്നെയാണ് കോളേജിൽ പോകുന്നത്. എനിക്ക് ടു വീലർ ഇല്ല. കാർ കോളേജിൽ അലൗഡ് അല്ല. ഓട്ടോറിക്ഷയിലും ബസ്സിലും ഒക്കെയാണ് ഞാൻ പോകുന്നത്. തമിഴിൽ സൂര്യ സർ നിർമിച്ച് അഭിനയിക്കുന്ന സിനിമയിൽ ഞാൻ അഭിനയിച്ചിരുന്നു. എന്റെ ഭൂരിഭാഗം രംഗങ്ങളും ഷൂട്ട് ചെയ്തത് സൂര്യ സാറിനൊപ്പം ആണ്. എന്നാൽ സൂര്യ സാറും 2ഡി എന്റർടൈൻമെന്റും ആ സിനിമ ഉപേക്ഷിച്ചു. പകരം വന്ന ടീമിനൊപ്പം വീണ്ടും അതേ രംഗങ്ങൾ ചെയ്യാനുള്ള സമയവും സാവകാശവും എനിക്ക് ഇല്ലാത്തത് കൊണ്ട് ഞാൻ ആ സിനിമ ഉപേക്ഷിച്ചു.
ചെറുപ്പം മുതലേ ഞാൻ ആരാധിയ്ക്കുന്ന നടനാണ് മമ്മൂക്ക. അർജ്ജുൻ അശോകിന്റെ കല്യാണ റിസപ്ഷന് ആദ്യമായി അദ്ദേഹത്തെ നേരിൽ കണ്ടപ്പോൾ കരഞ്ഞുപോയി. അത് സന്തോഷം കൊണ്ടായിരുന്നു. പിന്നീട് സൂപ്പർ ശരണ്യയുടെ മോണിറ്ററിങിനും കാണാൻ സാധിച്ചു. അദ്ദേഹത്തിനൊപ്പം ഒരു സിനിമ ചെയ്യണം എന്നതാണ് ഏറ്റവും വലിയ ആഗ്രഹം- മമിത പറഞ്ഞു
Find out more: