ఓపల్ ఇప్పుడు ‘బ్యూటీ విత్ ఏ పర్పస్’ కార్యక్రమానికి రాయబారిగా వ్యవహరిస్తుంది. ఈ పథకంలో భాగంగా ప్రపంచవ్యాప్తంగా జరిగే దాతృత్వ కార్యక్రమాల్లో పాల్గొంటూ ఏడాదిపాటు ప్రయాణించే అవకాశం ఉంటుంది. అంతర్జాతీయ స్థాయిలో గుర్తింపు పొందిన ఈ విజయం వల్ల సినిమాల్లో అవకాశాలు, మోడలింగ్ కాంట్రాక్టులు, బ్రాండ్ ఎండార్స్మెంట్‌లు వచ్చే అవకాశం ఉంటుంది. ఈ ఏడాది ఫైనల్ పోటీలకు జడ్జిలుగా బాలీవుడ్ నటుడు సోనూ సూద్, సుధా రెడ్డి, మిస్ ఇంగ్లండ్ 2014 కెరీనా వ్యవహరించారు. మొత్తం 108 దేశాల నుంచి అందగత్తెలు పాల్గొనగా, చివరికి 40 మంది ఫైనల్స్‌కి ఎంపికయ్యారు. ఖండాల వారీగా ఒకొక్కరిని క్వశ్చన్ అండ్ ఆన్సర్ రౌండ్‌కు ఎంపిక చేశారు.
మిస్ వరల్డ్ గెలిచిన ఓపల్ ఇప్పుడు ఊహించని అవకాశాల మెట్టు ఎక్కనుంది. గతంలో ఐశ్వర్య రాయ్, ప్రియాంక చోప్రా, మానుషి చిల్లర్ వంటి వారు కూడా మిస్ వరల్డ్ టైటిల్ ద్వారా సినీ రంగం, ప్రపంచ గుర్తింపు అందుకున్నారు. అదే దిశగా ఓపల్ సుచాత ప్రయాణం మొదలు కానుంది. మొత్తంగా చెప్పాలంటే, మిస్ వరల్డ్ విజేతగా నిలవడం వారి జీవితానికే మారుపేరు. ఇది అంతర్జాతీయ గుర్తింపు మాత్రమే కాకుండా, జీవితాన్ని మలుపు తిప్పే అవకాశాలతో కూడుకున్న ఘనతగా చెప్పుకోవాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి