అయితే, కాంగ్రెస్ నేతలు దీనిని తీవ్రంగా వ్యతిరేకించారు. "సీఎం అభ్యర్థిని అంత తొందరగా ఎలా ప్రకటిస్తారు?" అంటూ మొండికేశారు. అంతేకాకుండా, తాము కూటమిలో భారీగా సీట్లను పట్టుబట్టారు. 'లాలూ ప్లాన్'తో కాంగ్రెస్ లొంగుబాటు: కాంగ్రెస్ మొండి వైఖరిని గమనించిన లాలూ యాదవ్... రాజస్థాన్ ముఖ్యమంత్రి అశోక్ గెహ్లాట్‌ను వెంటనే బీహార్‌కు పంపించి, కాంగ్రెస్ అభ్యంతరాన్ని పక్కన పెట్టేలా డీల్ చక్కబెట్టారు. ఫలితంగా, కూటమి ముఖ్యమంత్రి అభ్యర్థిగా తేజస్వీ యాదవ్ ప్రకటన జరిగింది. అంతేకాకుండా, ఉపముఖ్యమంత్రి పదవిని కాంగ్రెస్‌కు ఇవ్వకుండా, కూటమిలోని మరో భాగస్వామ్య పక్షమైన వీఐపీ (VIP) పార్టీ నేతకు ప్రకటించారు. అంటే, కూటమిలో ముఖ్యమైన భాగస్వామిగా ఉన్న కాంగ్రెస్‌కు కనీసం డిప్యూటీ సీఎం పదవి కూడా దక్కలేదన్నమాట.
దీంతో అశోక్ గెహ్లాట్ "రెండో డిప్యూటీ సీఎం పదవి కాంగ్రెస్‌కు ఉంటుందని" ప్రకటించి, తాత్కాలికంగా కవర్ చేసుకునే ప్రయత్నం చేశారు. తగ్గిన కాంగ్రెస్, పెరిగిన ఆర్జేడీ ఆధిపత్యం: సీట్ల సర్దుబాటు ఆలస్యం కావడంతో లాలూ వ్యూహాత్మకంగా వ్యవహరించారు. కూటమిలో చర్చలు జరుగుతున్నప్పటికీ, ఆర్జేడీ, ఇతర మిత్రపక్షాలు తమకు కేటాయించిన సీట్లను ప్రకటించుకోవడమే కాకుండా, అభ్యర్థులను నిలబెట్టి నామినేషన్లు కూడా వేయించేశాయి. చివరికి, కాంగ్రెస్ పార్టీ ఆర్జేడీ ఇచ్చిన సీట్లకే పరిమితం కావలసి వచ్చింది. కూటమిలో ఆధిపత్యం మొత్తం ఆర్జేడీ వైపే మళ్లడంతో... కొన్ని నియోజకవర్గాల్లో కాంగ్రెస్, ఆర్జేడీ అభ్యర్థులు ఇద్దరూ పోటీలో ఉండే విచిత్ర పరిస్థితి కూడా ఏర్పడింది. లాలూ చాకచక్యమైన వ్యూహం ముందు కాంగ్రెస్ నాయకత్వం బీహార్‌లో చేతులెత్తేయక తప్పలేదనే చర్చ రాజకీయ వర్గాల్లో బలంగా వినిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి