మన భారతీయ సాంప్రదాయం ప్రకారం వెల్లుల్లిని అన్ని వంటకాలలో కచ్చితంగా ఉపయోగిస్తున్నారు. వెల్లుల్లి లేకుండా ఏ వంట పూర్తవదు. అంతేకాకుండా వెల్లుల్లి తిన్న ఆహారాన్ని త్వరగా జీర్ణం చేస్తుంది. వెల్లుల్లిని ఎక్కువగా చలికాలంలోనే తీసుకోవాలని ఆరోగ్య నిపుణులు చెబుతుంటారు. అసలు వెల్లుల్లిని చలికాలంలో ఎందుకు ఎక్కువగా తీసుకోవాలని సూచిస్తున్నారో? వాటివల్ల కలిగే ప్రయోజనాలేంటో? అసలు చలికాలానికి, వెల్లుల్లికి మధ్య ఉన్న సంబంధం ఏమిటో?ఇప్పుడు ఇక్కడ చదివి తెలుసుకుందాం.
రోజూ వారి ఆహారంలో వెల్లుల్లిని తీసుకోవడం వల్ల శరీర ఉష్ణోగ్రతలు పెరిగి,చలి తీవ్రతను తట్టుకునే సామర్థ్యం కలుగుతుంది.
వెల్లుల్లిలో యాంటీ ఆక్సిడెంట్లు ఎక్కువగా ఉంటాయి. వెల్లుల్లిలో ఉండే ఫ్రీరాడికల్స్ కారణంగా మన శరీరంలో జబ్బుల బారిన పడే కణాలను బాగు చేయడానికి, ఆక్సిడేటివ్ ఒత్తిడి తగ్గించడానికి వెల్లుల్లి చాలా సహాయపడుతుంది.
గుండె ఆరోగ్యాన్ని మెరుగు పరచడంలో వెల్లుల్లి కీలకపాత్ర వహిస్తుంది. రోజుకు ఒక్క వెల్లుల్లి రెబ్బలను మీకు నచ్చిన సమయంలో తీసుకోవడం వల్ల మంచి ఫలితం ఉంటుంది.
అంతేకాకుండా దగ్గు విపరీతంగా ఉన్నప్పుడు వెల్లుల్లి, రాళ్ల ఉప్పు తీసుకున్నా కూడా ఫలితం ఉంటుంది.
పరగడుపున పచ్చి వెల్లుల్లి రెబ్బలు తింటే శరీరంలో అధిక కొవ్వు స్థాయిలను తగ్గించుకోవచ్చు.
వెల్లుల్లిలో విటమిన్ సి, విటమిన్ బి 6 ఎక్కువగా ఉంటాయి. ఇది రోగనిరోధక శక్తిని పెంపొందించడంలో కీలకపాత్ర వహిస్తాయి. దీని ద్వారా వ్యాధులను తట్టుకునే శక్తి కలుగుతుంది.
చలికాలంలో వెల్లుల్లి రెబ్బలు తింటూ ఉండడం వల్ల, శరీరానికి కావలసిన శక్తి అందుతుంది. చలికాలంలో ఎక్కువగా చాలామంది శ్వాసకోశ సంబంధిత వ్యాధులకు గురవుతుంటారు. ఇలాంటి వారు వెల్లుల్లిని ఆహారంలో చేర్చుకోవడం మంచి ఫలితం ఉంటుంది.
అంతే కాకుండా వెల్లుల్లి జుట్టు సంరక్షణలో కూడా సహాయపడుతుంది. ఇంకా చర్మం పై ఏదైనా పుండ్లు లేదా మొటిమలు వచ్చినప్పుడు వెల్లుల్లి .రెబ్బలను బాగా దంచి, కొద్దిగా పసుపు జోడించి మొటిమలు ఉన్నచోట పెడితే త్వరగా ఉపశమనం కలుగుతుంది.
