పవర్స్టార్ పవన్ కళ్యాణ్ – త్రివిక్రమ్ కాంబినేషన్లో రూపుదిద్దుకున్న అజ్ఞాతవాసి చిత్రంపై ఏస్థాయిలో అంచనాలు ఉన్నాయో చూస్తూనే ఉన్నాం. త్రివిక్రమ్ - పవన్ కాంబినేషన్, అనిరుధ్ మ్యూజిక్, ఏకంగా రూ.160 కోట్ల ప్రి రిలీజ్ బిజినెస్, సంక్రాంతి సీజన్, కీర్తి సురేష్, అను ఎమ్మాన్యయేల్ లాంటి ముద్దుగుమ్మలు హీరోయిన్లుగా చేయడంతో అజ్ఞాతవాసి స్కై ను టచ్ చేసే అంచనాలతో థియేటర్లలోకి దిగింది. ఓవర్సీస్లోనూ, ఏపీలోనూ ఇప్పటికే ప్రీమియర్లు కంప్లీట్ చేసుకున్న ఈ సినిమాకు ఎలాంటి టాక్ ఉందో ? చూద్దాం.
సినిమా అంతా పవన్ వన్ మ్యాన్ షో. తెరమీద అంతా పవనే కనిపించాడు. పవన్కు తోడుగా బాలీవుడ్ నటుడు బొమన్ ఇరానీ, సీనియర్ హీరోయిన్ ఖుష్బు కీలక పాత్రల్లో నటించారు. ఫస్టాఫ్లో పవన్ ఎంట్రీ సన్నివేశంతో పాటు ఓ సాంగ్, ఇంటర్వెల్ బ్యాంగ్ మాత్రమే ఆకట్టుకున్నాయి. సినిమా అంతా ప్లాట్ నరేషన్తోనే రన్ అయ్యింది. హీరోయిన్లకు పవన్కు మధ్య వచ్చే సన్నివేశాల్లో బలం లేకపోవడంతో బోర్ కొట్టించేశాయి. ఇక ఇంటర్వెల్ బ్యాంగ్ కాస్త ఆసక్తిగా ఉండడంతో సెకండాఫ్ ఇరగదీస్తుందన్న అంచనాలు అందరిలోనూ ఉన్నాయి.
అయితే సెకండాఫ్లోనూ అజ్ఞాతవాసి రాతను త్రివిక్రమ్ మార్చలేకపోయాడు. సెకండాఫ్లో కథ రివీల్ అయినా ఏ మాత్రం అకట్టుకోలేదు. అసలే సాదాసీదా స్టోరీ, దీనికి తోడు సన్నివేశాలు సాదాసీదాగా సాగాయి. కానీ పవన్ కళ్యాణ్ మార్క్ యాక్షన్ సీన్స్ చిత్రాన్ని నిలబెడుతూ వచ్చాయి. సినిమా రేజ్ అయిన వెంటనే గ్రాఫ్ పడిపోయేది. త్రివిక్రమ్ సినిమాలు అంటే బలమైన సీన్ల మధ్యలో వీక్ సీన్లు పడుతుంటాయి. అలాంటిది అజ్ఞాతవాసిలో వీక్ సీన్ల మధ్యలో త్రివిక్రమ్ మార్క్ బలమైన సీన్ ఎక్కడ దొరుకుతుందా ? అని వెతుక్కోవాల్సిన పరిస్థితి. పవన్ కళ్యాణ్ ఫ్యాన్స్నే ఈ సినిమా నిరుత్సాహ పరిచిందంటే ఇక కామన్ ఆడియెన్స్ను ఎంత వరకు మెప్పిస్తుందో ? అన్నది డౌటే..?
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి