బాక్సర్ టైటిల్ ను పెట్టాలని అనుకున్నా ఆ టైటిల్ ఇప్పటికే బాగా ప్రచారం జరగడంతో అది కాకుండా వేరే టైటిల్ పెడితే ఆడియెన్స్ షాక్ అవుతారని ఈ సినిమాకు కొత్త టైటిల్ ఫిక్స్ చేశారట. తెలుస్తున్న సమాచారం ప్రకారం ఈ సినిమాకు గని అనే టైటిల్ ఫిక్స్ చేసినట్టు తెలుస్తుంది. రేపు రిలీజ్ చేసే పోస్టర్ కూడా అదే అని తెలుస్తుంది. గని పాత్రలో వరుణ్ తేజ్ బాక్సర్ గా అదరగొడతాడని అంటున్నారు. ఇప్పటికే విజయ్ దేవరకొండ లైగర్ తో బాక్సింగ్ నేపథ్యంతోనే సినిమా చేస్తున్నాడు.
విజయ్ లైగర్.. వరుణ్ తేజ్ గని రెండిటికి స్టోరీ వేరే అయినా సినిమాలో ఇద్దరు హీరోలు బాక్సింగ్ చేయడం ఖాయమని తెలుస్తుంది. ఇక వరుణ్ తేజ్ గని టైటిల్ తో పాటుగా మోషన్ పోస్టర్ కూడా రిలీజ్ చేస్తారట. ఈ సినిమా కోసం వరుణ్ తేజ్ చాలా కష్టపడి బాక్సింగ్ నేర్చుకున్నట్టు తెలుస్తుంది.