యాంకర్ ప్రదీప్ హీరోగా మున్నా డైరక్షన్ లో వస్తున్న సినిమా 30 రోజుల్లో ప్రేమించడం ఎలా..? ఎస్.వి.బాబు నిర్మించిన ఈ సినిమాలో ప్రదీప్ సరసన అమృత అయ్యర్ హీరోయిన్ గా నటించింది. రెండు జన్మల ప్రేమకథగా ట్రైలర్ ఇంప్రెస్ చేయగా.. సినిమాలోని నీలి నీలి ఆకాశం సాంగ్ ఇప్పటికే సూపర్ డూపర్ హిట్ అయ్యింది. యూట్యూబ్ లో ఏకంగా 1, 2 కాదు 300 మిలియన్ వ్యూస్ తో ప్రదీప్ సాంగ్ ఆల్రెడీ ప్రేక్షకుల్లో సూపర్ హిట్ అనిపించుకుంది.

ఇక ఈ సినిమా ప్రీ రిలీజ్ బిజినెస్ గురించి చూస్తే.. ప్రదీప్ మొదటిసారి హీరోగా చేస్తున్న సినిమా కాబట్టి తక్కువ బడ్జెట్ లోనే సినిమాను పూర్తి చేసినట్టు తెలుస్తుంది. ఇక 4.4 కోట్ల ప్రీ రిలీజ్ బిజినెస్ తో 30 రోజుల్లో ప్రేమించడం ఎలా..? రిలీజ్ అవుతుంది. ఈ సినిమా హిట్ అనిపించుకోవాలంటే 4.5 కోట్లను దాటాలి. ప్రదీప్ కు బుల్లితెర మీద ఉన్న క్రేజ్ ను దృష్టిలో పెట్టుకుంటే ఇదేమంత పెద్ద విషయం కాదు. కరెక్ట్ గా ఆ సాంగ్ కోసం సినిమా చూడాలనుకునే వారు చూసినా మొదటి రెండు రోజుల్లో ఈ వసూళ్లు వస్తాయి.

ప్రతి ఇంట్లో తెలిసిన వాడిగా.. అందరివాడుగా ప్రదీప్ సుపరిచితుడు. అందుకే ప్రదీప్ నటించిన సినిమా గురించి అందరికి ఆసక్తి ఏర్పడింది. ప్రదీప్ కూడా మంచి కథతో మంచి ప్రయత్నం చేశామని.. ప్రేక్షకులు ఈ సినిమాను హిట్ చేస్తారని చెప్పుకొచ్చాడు. మరి 10 ఏళ్ల స్మాల్ స్క్రీన్ కష్టం వెండితెర మీద ప్రదీప్ ను గెలిచేలా చేస్తుందా లేక ఓడిపోయేలా చేస్తుందా అన్నది ఈ నెల 29న తెలుస్తుంది.                                        

మరింత సమాచారం తెలుసుకోండి:

pradeep-movie-business business view press v

shami

27/01/2021 05:00 PM