വൈറലായി നടി അഹാന കൃഷ്ണയുടെ വാക്കുകൾ! നടൻ കൃഷ്ണകുമാറിന് പിന്നാലെയായാണ് മൂത്ത മകളായ അഹാനയും അഭിനയ മേഖലയിലേക്ക് എത്തിയത്. കൃഷ്ണകുമാറിന്റെ മകളും അഭിനേത്രിയുമായ അഹാന കൃഷ്ണ പ്രേക്ഷകർക്ക് സുപരിചിതയാണ്. മാത്രമല്ല ഇവർക്ക് പിന്നാലെ ഇഷാനി കൃഷ്ണയും ഹൻസിക കൃഷ്ണയുമെല്ലാം ഇതിനകം തന്നെ ബിഗ് സ്‌ക്രീനിൽ തിളങ്ങിയവരാണ്. ദിയ കൃഷ്ണയും യൂട്യൂബ് ചാനലിലൂടെയായി പ്രേക്ഷകർക്ക് മുന്നിലേക്കെത്താറുണ്ട്. കൃഷ്ണകുമാറിന്റെ ഭാര്യയായ സിന്ധു കൃഷ്ണയും യൂട്യൂബ് ചാനലിൽ സജീവമാണ്. കുടുംബത്തിലെല്ലാവർക്കും യൂട്യൂബ് ചാനലുണ്ട്.അച്ഛന് ശേഷമായി ആദ്യം സിനിമയിലേക്കെത്തിയ അഹാന, മുൻപ് അച്ഛൻ നൽകിയ ഉപദേശത്തെക്കുറിച്ച് തുറന്നുപറഞ്ഞിരുന്നു. സ്വകാര്യ എഫ്എം ചാനലിന് നൽകിയ അഭിമുഖത്തിലെ വിശേഷങ്ങൾ വീണ്ടും വൈറലായി മാറിയിരിക്കുകയാണ്.
രാജീവ് രവി ചിത്രമായ ഞാൻ സ്റ്റീവ് ലോപ്പസിലൂടെയായിരുന്നു അഹാന കൃഷ്ണ തുടക്കം കുറിച്ചത്. അഞ്ജലി എന്ന കഥാപാത്രത്തെയായിരുന്നു ചിത്രത്തിൽ അഹാന അവതരിപ്പിച്ചത്. 3 വർഷത്തിന് ശേഷം ഞണ്ടുകളുടെ ഇടവേളയിലൂടെയായിരുന്നു അഹാന വീണ്ടും തിരിച്ചെത്തി. ലൂക്കയിലെ നിഹാരിക ഏറെ ശ്രദ്ധിക്കപ്പെട്ട കഥാപാത്രമാണ്. പതിനെട്ടാം പടിയിലെ അതിഥി വേഷത്തിലും അഹാന തിളങ്ങിയിരുന്നു. പിടികിട്ടാപ്പുള്ളി, അടി തുടങ്ങിയ ചിത്രങ്ങളാണ് അഹാനയുടേതായി ഒരുങ്ങുന്നത്. കുടുംബത്തിന്റെ പിന്തുണയെക്കുറിച്ച് പറഞ്ഞ് വാചാലയാവാറുണ്ട് അഹാന കൃഷ്ണ. സിനിമ തിരഞ്ഞെടുക്കുന്ന കാര്യത്തിൽ മകളെ സഹായിക്കാറുണ്ട് കൃഷ്ണകുമാർ. കുടുംബത്തിനൊപ്പമുള്ള നിമിഷങ്ങളും ആഘോഷമാക്കാറുണ്ട് അദ്ദേഹം. അഭിനയ മേഖലയിലേക്ക് മക്കളും എത്തിയതിന്റെ സന്തോഷം പങ്കിട്ട് കൃഷ്ണകുമാറും എത്തിയിരുന്നു.
അഭിനയ മേഖലയിലേക്ക് മകളെത്തിയപ്പോൾ കൃത്യമായ മാർഗനിർദേശങ്ങളായിരുന്നു കൃഷ്ണകുമാർ നൽകിയത്. ലൊക്കേഷനിൽ എല്ലാവരും ഒരുപോലെയാണ് എന്ന ചിന്ത മനസ്സിൽ വേണം. ലൈറ്റ് ബോയ് മുതൽ ഭക്ഷണം തരുന്നവരോട് വരെ നന്നായി പെരുമാറണം. എല്ലാവരേയും ഒരേ പോലെ കാണണമെന്ന് അച്ഛൻ ഉപദേശിക്കാറുണ്ട്. ജീവിതത്തിന്റെ തന്നെ ഒരു ഭാഗമാണ് സിനിമ. ആരേയും വിലകുറച്ച് കാണരുത്.ഇത്തരത്തിലുള്ള ഉപദേശങ്ങളെല്ലാം സ്വീകരിച്ചിട്ടുണ്ട് താനെന്ന് അഹാന പറയുന്നു.എന്നാൽ ഉറങ്ങുന്നതിന് ഒരു മണിക്കൂർ മുൻപായെങ്കിലും ഫോൺ ഓഫ് ചെയ്യുന്നത് നല്ലതാണെന്ന് അച്ഛൻ പറഞ്ഞിരുന്നു.
അത് ഇതുവരെ പാലിക്കാൻ കഴിഞ്ഞിട്ടില്ലെന്നുമായിരുന്നു അഹാന കൃഷ്ണ പറഞ്ഞത്. സോഷ്യൽ മീഡിയയിൽ സജീവമായ അഹാന പങ്കുവെക്കുന്ന പോസ്റ്റുകളെല്ലാം നിമിഷനേരം കൊണ്ട് ശ്രദ്ധിക്കപ്പെടാറുണ്ട്. ഒപ്പം വീട്ടിലുണ്ടായ റംബുട്ടാനെക്കുറിച്ച് പറഞ്ഞപ്പോൾ വിമർശിച്ചവർക്ക് ശക്തമായ മറുപടിയുമായി കഴിഞ്ഞ ദിവസം അഹാന എത്തിയിരുന്നു. റംബുട്ടാൻ 2.0 എന്ന ക്യാപ്ഷനിൽ വന്ന വീഡിയോ ക്ഷണനേരം കൊണ്ടായിരുന്നു വൈറലായി മാറിയത്.
Find out more:
click and follow Indiaherald WhatsApp channel