കോഴിയ്ക്ക് ഇല്ലാത്ത എന്ത് പ്രത്യേകതയാണ് പശുവിനുള്ളത്; ശ്രദ്ധേയമായി നിഖില വിമലിന്റെ വാക്കുകൾ! ബീഫ് നിരോധിച്ച പല സംസ്ഥാനങ്ങളും ഇന്ത്യയിലുണ്ട്. എന്നാൽ പശുവിന് മാത്രമായി എന്തിനാണ് ഈ ഇളവ് എന്നാണ് നടി നിഖില വിമൽ ചോദിക്കുന്നത്. ജോ ആന്റ് ജോ എന്ന ചിത്രത്തിന്റെ പ്രൊമോഷന്റെ ഭാഗമായി നടന്ന അഭിമുഖത്തിലായിരുന്നു താരത്തിന്റെ പ്രതികരണം. പശുവിന്റെ പേരിൽ മനുഷ്യരെ ആക്രമിക്കുന്ന വാർത്തകൾ നിരന്തരം മാധ്യമങ്ങളിൽ നിരയാറുണ്ട്. ഇന്നും രാജ്യത്തെ രാഷ്ട്രീയ തർക്ക വിഷയവുമാമ് ഇത്. 'പശുവിനെ വെട്ടാൻ പറ്റില്ലല്ലോ എന്നായിരുന്നു അവതാരകന്റെ ചോദ്യം, എന്നാൽ എന്തുകൊണ്ട് പറ്റില്ല എന്നാണ് നിഖില തിരിച്ച് ചോദിക്കുന്നത്. കോഴിക്കില്ലാത്ത പരിഗണന പശുവിന് ആവശ്യമില്ല. മൃഗങ്ങളെ സംരക്ഷിക്കുക എന്ന ലക്ഷ്യത്തിലാണ് ഇതെങ്കിൽ ഒരു മൃഗത്തേയും വെട്ടരുത്.
അല്ലെങ്കിൽ എന്തിനേയും വെട്ടാം. ഇവിടെ അങ്ങനെ ഒരു നിയമമില്ല.' നിഖില പറയുന്നു. അവതാരകൻ ആദ്യം ചോദിക്കുമ്പോൾ എന്താണ് ഉദ്ദേശിക്കുന്നതെന്ന് താരത്തിന് വ്ക്തമായിരുന്നില്ല. എന്നാൽ കൃത്യമായി പശുവിനെ ഇവിടെ വെട്ടാൻമ കഴിയില്ലല്ലോ എന്ന് ചോദിച്ചതോടെയാണ് ഇതിലെ രാഷ്ട്രീയം നിഖിലയ്ക്ക് വ്യക്തമാകുന്നത്. ഇതോടെ അതുവരെ ഉത്തരം നൽകിയ നിഖില ആയിരുന്നില്ല പിന്നീടങ്ങോട്ട് പ്രതികരിച്ചത്. ആര് പറഞ്ഞു നമ്മുടെ നാട്ടിൽ പശുവിനെ വെട്ടാൻ പറ്റില്ല എന്ന മറു ചോദ്യത്തോടെയാണ് നിഖില ഉത്തരം പറയാൻ ആരംഭിച്ചത്. നിഖിലയുടെ അഭിപ്രായത്തിന് കൈയ്യടിക്കുകയാണ് സോഷ്യൽ മീഡിയ ആകെ. നിഖില വിമലിന്റെ മറുപടി ഇതിനോടകം തന്നെ സോഷ്യൽ മീഡിയയിൽ വൈറലായിരുന്നു. ബീഫ് നിരോധനമൊക്കെ വലിയ ചർച്ച ചെയ്യപ്പെട്ട ഇടത്താണ് നടിയുടെ തുറന്ന് പറച്ചിൽ.
ഇപ്പോൾ നിഖില കേന്ദ്രകഥാപാത്രമായി എത്തുന്ന ജോ ആന്റ് ജോ പ്രദർശനം തുടരുകയാണ്. ‘മൃഗങ്ങളെ സംരക്ഷിക്കുക എന്ന ലക്ഷ്യത്തോടെയാണെങ്കിൽ ഒരു മൃഗത്തെയും വെട്ടരുത്. പശുവിന് മാത്രമായി പ്രത്യേക പരിഗണന ഇല്ല. വെട്ടുന്നില്ലെങ്കിൽ ഒന്നിനെയും വെട്ടരുത്. അല്ലായെങ്കിൽ എന്തിനെയും വെട്ടാം. കോഴിക്കില്ലാത്ത പരിഗണന പശുവിന് ആവശ്യമില്ല. വന്യമൃഗങ്ങളെ വെട്ടരുതെന്ന് പറയുന്നത് അതിന് വംശനാശം വരുന്നതുകൊണ്ടാണ്,” നിഖില കൂട്ടിച്ചേർത്തു. എന്തായാലും നിഖിലയുടെ മറുപടി ഇതിനകം തന്നെ സമൂഹമാധ്യമങ്ങൾ ഏറ്റെടുത്തുകഴിഞ്ഞു.
അഭിമുഖത്തിനിടെ കുസൃതി ചോദ്യവുമായി ബന്ധപ്പെട്ടൊരു സെഗ്മെന്റിനിടെ, ചെസ് കളിയിൽ വിജയിക്കാൻ എന്ത് ചെയ്യണം? എന്നായിരുന്നു അവതാരകന്റെ ചോദ്യം. കുതിരയെ മാറ്റി പശുവിനെ വച്ചാൽ മതി അപ്പോൾ വെട്ടാൻ പറ്റില്ലല്ലോ എന്ന് പിന്നീട് അവതാരകൻ തന്നെ മറുപടിയും നൽകി. കുതിരയെ മാറ്റി പശുവിനെ വച്ചാലും താൻ വെട്ടുമെന്നും ഇന്ത്യയിലും പശുവിനെ വെട്ടാൻ പറ്റില്ല എന്ന് പറയുന്ന ഒരു സിസ്റ്റമില്ല എന്നുമായിരുന്നു നിഖിലയുടെ മറുപടി.
Find out more:
click and follow Indiaherald WhatsApp channel