സ്‌നേഹവും ബഹുമാനവും തമിഴിലും തെലുങ്കിലും നിന്ന് കിട്ടും; നടി സംയുക്തയുടെ വാക്കുകൾ ശ്രദ്ധേയമാകുന്നു! കഴിഞ്ഞ ദിവസം സംയുക്ത കേന്ദ്രകഥാപാത്രമായെത്തുന്ന ബൂമറാങ്ങ് എന്ന ചിത്രത്തിന്റെ പ്രമോഷനിൽ താരം എത്താത്തതുമായി ബന്ധപ്പെട്ട് ചില വിവാദങ്ങൾ ഉയർന്നിരുന്നു. സംയുക്തയ്‌ക്കെതിരെ നടൻ ഷൈൻ ടോം ചാക്കോയും നിർമ്മാതാവും രംഗത്തുവന്നു. എന്നാൽ ഇതുമായി ബന്ധപ്പെട്ട വിശദീകരണങ്ങളൊന്നും നടിയുടെ ഭാഗത്തു നിന്ന് പുറത്തുവന്നിട്ടില്ല. ഇപ്പോൾ ഇതുമായി ബന്ധപ്പെട്ട് സംയുക്തയുടെ അഭിമുഖമാണ് ശ്രദ്ധേയമാകുന്നത്. ഐ ആം വിത്ത് ധന്യ വർമ്മ എന്ന ചാറ്റ് ഷോയിലാണ് സംയുക്തയുടെ പ്രതികരണം. സംയുക്ത എന്ന പേര് കഴിഞ്ഞ കുറച്ച് നാളുകളായി സോഷ്യൽ മീഡിയയിൽ ചർച്ചചെയ്യപ്പെടുകയാണ്. സംയുക്ത മേനോൻ എന്ന പേരിൽ നിന്ന് സംയുക്തയിലേയ്ക്ക് എത്തിയത് മുതലാണ് താരം വീണ്ടും ശ്രദ്ധേയമായത്. എന്തുകൊണ്ടാണ് അതങ്ങനെയെന്ന് എനിക്ക് ഇന്നും മനസ്സിലായിട്ടില്ല. തുടക്കകാലത്തൊക്കെ എനിക്ക് അടിസ്ഥാന വേതനം പോലും സിനിമയിൽ നിന്ന് കിട്ടിയിട്ടില്ല.
പലപ്പോഴും ടോയ്‌ലെറ്റ് സൗകര്യങ്ങൾ പോലും നമുക്ക് ഉപയോഗിക്കാൻ ബുദ്ധിമുട്ട് തോന്നും. ആദ്യമൊക്കെ ചില ഷൂട്ടിംഗ് ലൊക്കേഷനുകളിൽ ബാത്ത്‌റൂ ഉണ്ടാവില്ല. ചിലയിടത്ത് ഒട്ടും ക്ലീനല്ലാത്ത, കതക് പോലും ശരിയ്ക്ക് അടയ്ക്കാൻ പറ്റാത്തതൊക്കെ ചൂണ്ടിക്കാട്ടി ഇതാണ് നിങ്ങൾക്കുള്ളതെന്നൊക്കെ പറയുമായിരുന്നു. ഇത് ശരിയല്ല എന്ന് പറയാൻതന്നെ എനിക്ക് കുറേ കാലം വേണ്ടിവന്നു.മലയാളത്തിൽ നിന്നാണ് മറ്റ് ഭാഷകളിലേയ്ക്ക് പോകുന്നത്. എന്നാൽ തമിഴിലും തെലുങ്കിലും ആളുകൾ നമുക്ക് തരുന്ന ബഹുമാനവും സ്‌നേഹവും വളരെ വലുതാണ്.സിനിമ ഒരു ബിസിനസാണ്. ഈ ഷൂട്ടിംഗ് ലെക്കോഷൻ എന്റെ തൊഴിലിടമാണ്. അവിടെ ലഭിക്കേണ്ട ബേസിക്കായ കാര്യങ്ങൾ പോലും ഇങ്ങനെയായിരുന്നു. അത് പറ്റില്ല എന്ന് തന്നെയാണ് പിന്നീട് പറഞ്ഞത്. ഞാനൊരിക്കലും എനിക്ക് ലക്ഷ്വറിയായി സൗകര്യങ്ങൾ ഒരുക്കിത്തരണം എന്നല്ല പറയുന്നത്.
മറിച്ച് വൃത്തിയുള്ള ഒരു ബാത്ത്‌റൂം ഉപയോഗിക്കാൻ പറ്റുക എന്നത് ഒരു വർക്ക് സ്‌പേസിലെ ബേസിക് കാര്യമാണ്. അത് പോലും തുടക്കത്തിൽ കിട്ടിയിരുന്നില്ല. സിനിമയിൽ ഡിമാന്റ് ചെയ്യപ്പെടേണ്ട കാര്യങ്ങളാണ് ഇതെല്ലാം. എല്ലാവർക്കും അങ്ങനെയാണെന്നും ഞാൻ കരുതുന്നില്ല. ലില്ലി എന്ന ചിത്രത്തെക്കുറിച്ചല്ല താനിത് പറയുന്നതെന്നും, ആദ്യ സിനിമയ്ക്ക് എനിക്ക് പ്രതിഫലം കിട്ടിയിട്ടില്ല. അവർ അതിനെക്കുറിച്ച് എന്നോട് ചോദിച്ചതുപോലുമില്ല, തുടക്കക്കാരോട് അങ്ങനെയാണ്. അവർക്ക് പലപ്പോഴും അവസരം കൊടുക്കൽ മാത്രമായാണ് എല്ലാവരും കാണുന്നത്. മലയാളത്തിൽ ഇങ്ങനെ ലഭിക്കുമ്പോൾ തെലുങ്കും തമിഴും അങ്ങനെയല്ല എന്നുള്ളതാണ് സത്യം. ഒരു തുടക്കക്കാരിയായി തന്നെയാണ് ഞാൻ അവരിലേക്ക്‌ എത്തുന്നത്. എന്റെ ചിന്തകളിലൊക്കെ ഒരുപാട് മാറ്റങ്ങൾ വന്ന് തുടങ്ങി. ഞാൻ എന്നെത്തന്നെ കൂടുതൽ സ്‌നേഹിക്കാനും ബഹുമാനിക്കാനും ഒക്കെത്തുടങ്ങി. ഇതിന്റെയൊക്കെ പ്രതിഫലനം മാത്രമാണ് എല്ലാവരും പുറമെ കാണുന്നത്. ആളുകൾ എപ്പോഴും ഇവിടെ വരെ എത്താനുള്ള നമ്മുടെ പരിശ്രമങ്ങൾ കാണില്ല. ഇപ്പോഴത്തെ കാഴ്ച്ചയിലൂടെയാണ് അവർ വിലയിരുത്തുന്നത്.
അതിന്റെ ആവശ്യമില്ലല്ലോ. നമ്മുടെ അനുഭവങ്ങൾ കടന്നുവന്ന വഴികൾ അതെല്ലാം ചേർന്നാണ് ഇന്നത്തെ നമ്മളെ രൂപപ്പെടുത്തുന്നത്. എല്ലാവരും എന്റെ ഇന്ന് മാത്രമേ കാണുന്നുള്ളൂ. ഡയറ്റ് എന്താണ് വർക്കൗട്ട് ഏതാണ് എന്നൊക്കെ ചോദിച്ച് പലപ്പോഴും മെസേജുകൾ വരാറുണ്ട്. പക്ഷേ ആളുകൾ പുറമെ കാണുന്ന മാറ്റത്തേക്കാൾ എനിക്ക് സംഭവിച്ചിരിക്കുന്നത് എന്റെ ഉള്ളിൽതന്നെയാണ്. ചെറുപ്പം മുതൽ എനിക്ക് പേടിയായിരുന്നു. പ്രിയപ്പെട്ടതൊക്കെ എനിക്ക് നഷ്ടപ്പെടുന്നതുപോലെയാണ് എനിക്ക് തോന്നിയത്. അച്ഛനും അമ്മയും ഡിവോഴ്‌സായത് എന്നെ ബാധിച്ചിട്ടുണ്ട്. കാരണം അന്ന് എനിക്കതിനെ ആ വ്യക്തികളുടെ സ്വാതന്ത്യമാണ് എന്നൊന്നും മനസ്സിലാക്കാൻ സാധിച്ചിരുന്നില്ല. ഒരുകാലത്ത് എനിക്ക് ഒട്ടും പൊരുത്തപ്പെട്ട് പോകാൻ സാധിക്കാതിരുന്ന അമ്മയാണ് ഇന്ന് എന്റെ ഏറ്റവും വലിയ സുഹൃത്ത്. അച്ഛന് പകരം എനിക്ക് വേണ്ടി വന്നതും ഒപ്പം നിന്നതുമെല്ലാം അപ്പൂപ്പനാണ്. അദ്ദേഹവും പെട്ടെന്നൊരു ദിവസം പോയി. ഒറ്റപ്പെട്ട് പോകുന്നതുപോലെയാണ് തോന്നിയത്. ഈ പ്രായത്തിൽ തന്നെ എന്റെ ഉത്തരവാദിത്തങ്ങൾ കൂടുകയും അതിനെല്ലാം വേണ്ടി ഞാൻ സ്വയം പാകപ്പെടുകയും ചെയ്തിരുന്നു.
Find out more:
click and follow Indiaherald WhatsApp channel