పంజా వైష్ణవ్ తేజ్ హీరోగా కృతి శెట్టి హీరోయిన్గా బుచ్చిబాబు సనా దర్శకత్వంలో ఉప్పెన అనే మూవీ రూపొందిన విషయం మన అందరికీ తెలిసిందే. ఇకపోతే పంజా వైష్ణవ్ తేజ్ ఈ మూవీ తోనే హీరోగా వెండి తెరకు పరిచయం అయ్యాడు. ఇక కృతి శెట్టి కూడా ఈ సినిమా తోనే తెలుగు తెరకు పరిచయం అయింది. టాలీవుడ్ స్టార్ డైరెక్టర్లలో ఒకరు అయినటువంటి సుకుమార్ దగ్గర ఎన్నో సినిమాలకు పని చేసిన బుచ్చిబాబు కూడా ఈ సినిమాతోనే దర్శకుడిగా కొరియర్ను మొదలు పెట్టాడు.

ఈ మూవీ లో విజయ్ సేతుపతి విలన్ పాత్రలో నటించగా ... మైత్రి సంస్థ వారు ఈ సినిమాను నిర్మించారు. రాక్ స్టార్ దేవి శ్రీ ప్రసాద్ ఈ సినిమాకు సంగీతం అందించాడు. ఈ మూవీ మంచి అంచనాల నడుమ 2021 వ సంవత్సరం ఫిబ్రవరి 12 వ తేదీన విడుదల అయింది. ఈ మూవీ కి విడుదల అయిన మొదటి రోజు మొదటి షో కే బాక్స్ ఆఫీస్ దగ్గర మంచి టాక్ రావడంతో ఈ సినిమా సూపర్ సాలిడ్ కలెక్షన్లను వసూలు చేసింది. ఇక ఈ మూవీ లోని నటనకు గాను వైష్ణవ్ తేజ్ , కృతి శెట్టి కి అద్భుతమైన గుర్తింపు లభించింది. అలాగే మొదటి సినిమా అయినప్పటికీ అద్భుతంగా తీర్చిదిద్దినందుకు గాను బుచ్చిబాబు కు దర్శకుడిగా కూడా అద్భుతమైన ప్రశంసలు లభించాయి.

ఈ మూవీ విజయంలో దేవి శ్రీ ప్రసాద్ అందించిన సంగీతం కూడా అత్యంత కీలక పాత్రను పోషించింది. బాక్స్ ఆఫీస్ దగ్గర సూపర్ సాలిడ్ కలెక్షన్లను వసూలు చేసి కమర్షియల్ గా మంచి విజయాన్ని అందుకున్న ఈ సినిమా 69 వ జాతీయ చలన చిత్ర అవార్డ్స్ లలో జాతీయ ఉత్తమ తెలుగు సినిమా విభాగంలో అవార్డ్ వచ్చింది. ఇలా కమర్షియల్ విజయాన్ని అందుకున్న ఈ సినిమా జాతీయ అవార్డును కూడా సొంతం చేసుకుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Uppena movie

Pulgam Srinivas

23/11/2024 11:25 AM