ఇప్పుడు ఇదే విషయంపై శృతిహాసన్ కూడా తనదైన శైలిలో స్పందించారు. రజనీకాంత్ హీరోగా నటిస్తున్న ‘కూలీ’ సినిమాలో శృతి ఓ కీలక పాత్రలో నటిస్తోంది. ఇది లవ్ ట్రాక్ కాదు కానీ, రజనీ సరసన స్క్రీన్ షేర్ చేయడమే సోషల్ మీడియాలో కొన్ని ప్రశ్నలు తలెత్తేలా చేశాయి. ఈ నేపధ్యంలో ఓ ఇంటర్వ్యూలో ఆమెని ఏజ్ గ్యాప్ & స్క్రీన్ షేర్ అంశంపై ప్రశ్నించగా శృతి కొంచెం గట్టిగానే స్పందించారు – “నాకు ఎవరి వయసుతో పని లేదు. ఎవరు ఏం అంటారో నాకేం సంబంధం లేదు. నాకు పాత్ర ముఖ్యం. నేను నటనపై దృష్టిపెడతాను. పాత్రలో బలముంటే చాలు, వయసుతో పని లేదు” అంటూ కౌంటర్ ఇచ్చారు.
శృతి ఈ సినిమాలో ఒక స్ట్రాంగ్ ఫిమేల్ క్యారెక్టర్ చేస్తున్నారు. లోకేష్ కనకరాజు సినిమాల్లో సాధారణంగా మగవారికి ఎక్కువ ప్రాధాన్యం ఉన్న పాత్రలు ఉంటాయన్న విమర్శల మధ్య, శృతికి మాత్రం ఓ పవర్‌ఫుల్ పాత్ర దక్కడం గమనార్హం. ఆమె పాత్ర సినిమాకే టర్నింగ్ పాయింట్‌గా నిలుస్తుందని సమాచారం. ‘కూలీ’ సినిమా ఆగస్టు 14న ప్రేక్షకుల ముందుకు రానుంది. రజనీకాంత్ మాస్ రీ ఎంట్రీగా డిజైన్ చేసిన ఈ చిత్రంలో శృతికి ఉండే ప్రాధాన్యం, ఆమె వ్యాఖ్యలు ఇప్పుడు ఇండస్ట్రీలో హాట్ టాపిక్‌గా మారాయి. “ఓ మంచి పాత్రకోసం ఏ వయస్సు హీరోతోనైనా నటించేందుకు నేను సిద్ధం” అన్న శృతి స్టేట్‌మెంట్ ఇప్పుడు ట్రెండింగ్ అవుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి