అంతవరకు బాగానే ఉంది. అల్లు అర్జున్‌కు సపోర్ట్ చేయడానికి తెలుగు సినిమా ఇండస్ట్రీ మొత్తం ఒకటిగా ఉందని చెప్పడానికి ఈ విధంగా చేశారు అనుకుందాం. అయితే, ఎన్టీఆర్ విషయంలో ఎందుకు అలా చేయలేకపోతున్నారు? ఎన్టీఆర్‌ను ఈ మధ్యకాలంలో ఎలా ట్రోల్ చేస్తున్నారు, ఎలా టార్గెట్ చేస్తున్నారు అన్నది అందరికీ తెలుసు. ముఖ్యంగా ఒక పెద్ద రాజకీయ నాయకుడు, టిడిపి ఎమ్మెల్యే, ఎన్టీఆర్‌పై పచ్చి బూతులు తిట్టారు. దానికి సంబంధించిన ఆడియో కూడా సోషల్ మీడియాలో లీక్ అయింది. ఆ విషయం చూసి ఫ్యాన్స్ తీవ్రంగా మండిపడ్డారు. కానీ తారక్ ఫ్రెండ్స్ అని చెప్పుకునే వారు, తారక్ మావాడు అని చెప్పుకునే వారు — ఒక్కరూ కూడా ఈ విషయంపై స్పందించలేదు.
సోషల్ మీడియా వేదికగా "మా సపోర్ట్ తారక్‌కి ఉంది" అని ఒక్కరూ పోస్ట్ పెట్టలేదు. "తారక్‌ని అలా అనకూడదు" అంటూ ఇండస్ట్రీ పెద్దలమని చెప్పుకునే వారు ఒక్కరూ స్పందించకపోవడం ఆశ్చర్యంగా అనిపిస్తోంది. దీనిపై ఎన్టీఆర్ ఫ్యాన్స్ కూడా మండిపడుతున్నారు. "బన్నీ విషయంలో అంతా ఒక్కటిగా నిలిచిన ఇండస్ట్రీ, జూనియర్ ఎన్టీఆర్ విషయంలో ఎందుకు అలా నిలవలేకపోతుంది?" అంటూ ఫైర్ అవుతున్నారు. కావాలనే తారక్ ని తొక్కడానికి కొంతమంది స్టార్స్, పొలిటిషియన్లతో చేతులు కలిపారని కూడా కామెంట్లు వినిపిస్తున్నాయి. సోషల్ మీడియాలో ఇప్పుడు ఈ ఇష్యూ మరోసారి హైలైట్‌గా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి