ఇండస్ట్రీలో ఇప్పుడు ఎక్కువగా వినిపిస్తున్న పేరు — త్రివిక్రమ్ శ్రీనివాస్. అవును, త్రివిక్రమ్ ఈ ఇద్దరు సీనియర్ హీరోల కోసం ఓ అద్భుతమైన ఫ్యామిలీ ఎంటర్‌టైనర్ కథను రెడీ చేశారట.ఇప్పటికే ఆయన నాగార్జున, వెంకటేష్ ఇద్దరికీ స్క్రిప్ట్ వివరించారట, వారు కూడా కథ విన్న వెంటనే ఓకే చెప్పారట.త్రివిక్రమ్ స్టైల్లో ఉన్న డైలాగులు, ఎమోషనల్ ఫ్యామిలీ సీక్వెన్సులు, సెంటిమెంట్ పాయింట్స్‌తో ఈ సినిమా ప్రేక్షకుల హృదయాలను తాకేలా ఉండబోతోందని టాక్ వినిపిస్తోంది.అయితే, నాగార్జున ప్రస్తుతం తన కొత్త యాక్షన్ ప్రాజెక్ట్‌లో బిజీగా ఉండగా, వెంకటేష్ కూడా షూటింగ్‌తో తలమునకలై ఉన్నారు. అందుకే ఈ ప్రాజెక్ట్ కొంతకాలంగా వాయిదా పడుతూ వస్తోందట. కానీ, అన్ని సర్దుకుంటే వచ్చే ఏడాది చివర్లో ఈ భారీ కాంబినేషన్ మూవీకి అధికారిక ప్రకటన వెలువడే అవకాశాలు బలంగా ఉన్నాయి.
సినిమా పూర్తి స్థాయి ఫ్యామిలీ డ్రామా, ఎమోషనల్ జర్నీ, కామెడీ టచ్ తో కూడి ఉండబోతుందని ఇండస్ట్రీ టాక్. ప్రేక్షకులంతా కూడా “వెంకటేష్ – నాగార్జున” జంట తెరపై చూడటానికి ఎంతగానో ఎదురుచూస్తున్నారు. ఇద్దరి మధ్య ఉన్న స్నేహం, కెమిస్ట్రీ తెరపై కనిపిస్తే అదో విజువల్ ట్రీట్ అవుతుందని సినీ వర్గాలు చెబుతున్నాయి. అన్నీ అనుకున్నట్లు కుదిరితే ఈ త్రివిక్రమ్ – వెంకటేష్ – నాగార్జున కాంబో టాలీవుడ్ చరిత్రలో మరొక గోల్డెన్ పేజీగా నిలుస్తుందనే నమ్మకం అభిమానుల్లో ఉంది. ఇప్పుడు ప్రశ్న ఒక్కటే — త్రివిక్రమ్ ఈ సెన్సేషనల్ కాంబినేషన్ ప్రాజెక్ట్‌ని ఎప్పుడు అధికారికంగా ప్రకటిస్తాడు..? అది తెలిసేంత వరకు మాత్రం అభిమానుల ఉత్కంఠ ఆగడం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి