ఆస్‌బయోటెక్ మరియు విక్టోరియా ప్రభుత్వం సంయుక్తంగా నిర్వహించిన ఈ సదస్సుకు హాజరైన అంతర్జాతీయ కంపెనీల ప్రతినిధులు, పెట్టుబడిదారులు మరియు శాస్త్రవేత్తల ముందు మంత్రి ధీమాగా మాట్లాడారు. లక్ష కోట్ల కల... రోడ్‌మ్యాప్ 2030 .. తెలంగాణ ప్రభుత్వం యొక్క దూరదృష్టిని వివరిస్తూ, 2030 నాటికి లైఫ్‌సైన్సెస్‌ రంగంలో ₹ లక్ష కోట్ల (100,000 కోట్ల) కొత్త పెట్టుబడులను ఆకర్షించడమే తమ ప్రధాన లక్ష్యమని శ్రీధర్ బాబు స్పష్టం చేశారు. ఈ లక్ష్యాన్ని చేరుకోవడం ద్వారా, రాష్ట్రంలో ఏకంగా ఐదు లక్షల మందికి ఉపాధి అవకాశాలు కల్పించనున్నట్లు ప్రకటించారు. కేవలం సంఖ్యలకే పరిమితం కాకుండా, ఈ రంగంలో తెలంగాణను ప్రపంచ లైఫ్‌సైన్స్ కేంద్రంగా తీర్చిదిద్దడానికి ‘రోడ్‌మ్యాప్–2030’ను సిద్ధం చేశామని తెలిపారు. సమగ్ర పాలసీతో బయో-డిజిటల్ విప్లవం .. ఈ భారీ లక్ష్యాన్ని చేరుకోవడానికి, ఆవిష్కరణలు, అత్యున్నత మౌలిక వసతులు మరియు అంతర్జాతీయ భాగస్వామ్యాలను వేగవంతం చేసేందుకు ఒక సమగ్ర లైఫ్‌సైన్స్ పాలసీని రాష్ట్ర ప్రభుత్వం రూపొందిస్తోందని మంత్రి తెలియజేశారు.
"లైఫ్‌సైన్సెస్‌ రంగంలో మేము తదుపరి దశకు, అంటే బయో-డిజిటల్ దశకు ముందడుగు వేస్తున్నాం. సాంకేతికతను జీవసాంకేతికతతో కలిపి, సరికొత్త ఆవిష్కరణలు, ఉపాధి అవకాశాలను సృష్టించేందుకు తెలంగాణ సన్నద్ధమవుతోంది. అంతర్జాతీయ పెట్టుబడిదారులకు, నూతన ఆవిష్కర్తలకు మా రాష్ట్రం ఉత్తమ గమ్యస్థానంగా మారబోతోంది," అని శ్రీధర్ బాబు ఆత్మవిశ్వాసాన్ని ప్రకటించారు. తెలంగాణను అంతర్జాతీయ పెట్టుబడులకు కేంద్రంగా మార్చేందుకు మంత్రి శ్రీధర్ బాబు చేస్తున్న ఈ కృషి, రాష్ట్ర భవిష్యత్తుకు బలమైన పునాది వేస్తుందనడంలో సందేహం లేదు. అంతర్జాతీయ సదస్సుల వేదికగా తెలంగాణ ఖ్యాతిని చాటి, యువతకు ఉపాధి అవకాశాలను సృష్టించే దిశగా ఆయన సాగిస్తున్న ప్రయాణం ప్రశంసనీయం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి