అంతరిక్ష చరిత్రలోనే ఇస్రో సరికొత్త చరిత్రని సృష్టించింది. ప్రపంచం మొత్తం చాలా ఆసక్తిగా ఎదరుచూసిన చంద్రయాన్ 3 ప్రయోగం బాగా విజయవంతమైంది. విక్రమ్ ల్యాండర్ చంద్రుడిపై దక్షిణ ధృవాన్ని తాకింది.జులై 14 వ తేదీన శ్రీహరికోటలోని సతీశ్ ధావన్ స్పేస్ సెంటర్ నుంచి ప్రయోగించిన ఈ వ్యోమనౌక.. మొత్తం 40 రోజుల సుదీర్ఘ ప్రయాణం తర్వాత నేడు చంద మామని ముద్దాడింది.ఇక చంద్రుడిపై అధ్యయనానికి భారత అంతరిక్ష పరిశోధన సంస్థ చేపట్టిన మూడో మిషన్ చంద్రయాన్-3 . ఇస్రో చరిత్రలోనే అత్యంత క్లిష్టమైన ఇంకా అలాగే అత్యంత భారీ ప్రయోగం ఇది. ఈ ప్రాజెక్ట్ కోసం మొత్తం ఏకంగా రూ.613 కోట్ల ఖర్చుచేశారు. చంద్రుడిపై చంద్రయాన్ 3 సాఫ్ట్ ల్యాండింగ్ కావడంతో చంద్రుడిపై కాలు మోపిన నాలుగో దేశంగా ఇండియా అవతరించింది. ఇంతకు ముందు అమెరికా, రష్యా ఇంకా చైనా వంటి అగ్ర దేశాలు సాఫ్ట్ ల్యాండింగ్ చేశాయి.


ఇక చంద్రుడి దక్షిణ ధ్రువంపై అడుగుపెట్టిన మొట్టమొదటి దేశంగా ఇండియా నిలిచింది.ఇక ఈమధ్యనే రష్యా లూనా-25 దక్షిణ ధ్రువంపై దిగడానికి ప్రయత్నించి కుప్పకూలిపోవడం జరిగింది. దీంతో అందరి కళ్లు చంద్రయాన్‌ 3పై ఉండగా వాటిని నిజం చేస్తూ చంద్రుడిపై అడుగుపెట్టింది మన విక్రమ్ ల్యాండర్.అయితే చంద్రయాన్-3కి ఆర్బిటార్ లేదు. చంద్రయాన్-2లో ఆర్బిటర్, ల్యాండర్ ఇంకా రోవర్ ఉన్నాయి. ఆ ఆర్బిటర్ జీవిత కాలం వచ్చేసి ఏడాది ఉంటుంది. అది ఇప్పుడు చంద్రయాన్-3కి సహాయం చేస్తుంది. చంద్రయాన్-3లో ప్రొపల్షన్ మాడ్యూల్, ల్యాండర్ ఇంకా అలాగే రోవర్ ఉన్నాయి. ప్రొపల్సన్ మాడ్యూల్ జీవిత కాలం 3 నుంచి 6 నెలలు ఉంటుంది. ల్యాండర్ ఇంకా రోవర్ జీవిత కాలం ఒక లూనార్ డే.మన దేశం సాధించిన ఈ ఘనతకి జనాలు సంబరాలు చేసుకుంటున్నారు. ఇండియన్స్ తలచుకుంటే ఏది అసాధ్యం కాదు అని మరోసారి ఈ ప్రయోగం ద్వారా నిరూపించబడింది. ఇది నిజంగా ప్రతి భారతీయ పౌరుడు గర్వించదగ్గ విషయం.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chandrayaan 3 - ISRO - India

Purushottham Vinay

23/08/2023 06:23 PM