సాధారణంగా వేపుడు పల్లీలు తినడం కంటే నానబెట్టినవి తినడం ఆరోగ్యానికి మంచిది. నానబెట్టడం వల్ల ఫైబర్ కంటెంట్ యాక్టివ్ అవుతుంది. ఇది జీర్ణక్రియను మెరుగుపరుస్తుంది. తక్కువ కాలరీలు, అధిక ప్రోటీన్, ఫైబర్ ఉండటం వల్ల ఇవి ఎక్కువసేపు ఆకలి తీరినట్లు ఫీల్ చేయిస్తాయి. ఫలితంగా ఎక్కువ తినకుండా ఉండి బరువు తగ్గేందుకు సహాయపడతాయి. వీటిలో ఐరన్ ఎక్కువగా ఉండటం వల్ల రక్తహీనత నివారించడంలో సహకరిస్తుంది. ముఖ్యంగా మహిళలకు ఇది ఎంతో ఉపయోగపడుతుంది. జింక్, మాగ్నీషియం, విటమిన్ E లాంటి పోషకాలు పల్లీల్లో ఉన్నాయి. ఇవి రోగనిరోధక శక్తిని పెంచుతాయి. వైరల్ ఫీవర్, సీజనల్ ఇన్ఫెక్షన్ల నుంచి రక్షణ కలుగుతుంది.
పల్లీల్లో ఉండే విటమిన్ E, బయోటిన్ వంటి పోషకాలు చర్మం మృదువుగా, కాంతివంతంగా ఉంచుతాయి. జుట్టు వృద్ధికి సహాయపడతాయి, జుట్టు రాలడం తగ్గించవచ్చు. వేరుశనగల్లో ఉండే ఆరోగ్యకరమైన కొవ్వులు మెదడుకు శక్తినివ్వడమే కాకుండా, మెమరీ శక్తి పెరగడానికి సహకరిస్తాయి. రాత్రి పూట ఒక ముష్టి వేరుశనగలు నీటిలో నానబెట్టి, ఉదయం వాటిని చెరిగి తినాలి. ఎక్కువ తినకూడదు – రోజుకు సుమారు 20-30 గ్రాముల మోతాదులో సరిపోతుంది. వేసవిలో ఎక్కువ తినడం వల్ల దాహం ఎక్కువగా అనిపించవచ్చు కాబట్టి నీరు బాగా తాగాలి. నానబెట్టిన పల్లీలు శరీరానికి మంచివే కానీ కొన్ని సందర్భాల్లో పేగు అలర్జీ, అసిడిటీ వంటి సమస్యలు ఉన్నవారు డాక్టర్ సలహాతో మాత్రమే తీసుకోవాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి