సూర్యని చూపించిన విధానం అభిమానులను ఒకసారిగా ఆశ్చర్యపరిచేలా చేశారు డైరెక్టర్ లోకేష్. సూర్య డ్రగ్స్ మాఫియా కింగ్ గా చూపించడంతో ప్రతి ఒక్కరు ఆశ్చర్యపోయారు. ఈ పాత్రతో లోకేష్ కనకరాజు ఒక భారీ యాక్షన్ డ్రామా గా శ్రీకారం చుట్టబోతున్నట్లుగా తెలుస్తోంది. హీరో విజయ్ దళపతి తో తన తదుపరిచిత్రాన్ని తెరకెక్కించబోతున్నారు లోకేష్ కనకరాజు. ఈ సినిమాకి కూడా లోకేష్ కనగరాజ్ సినిమాటిక్ యూనివర్స్ నేపథ్యంలో కమల్ హాసన్ నటించిన విక్రమ్, కార్తీ నటించిన ఖైదీ చిత్రాలకు అనుసంధానంగా తెరపైకి తీసుకురాబోతున్నట్లు వార్తలు వినిపిస్తున్నాయి.
కానీ తాజాగా అందుతున్న సమాచారం ప్రకారం లోకేష్ కనగరాజు తెరకెక్కించే సినిమాలు ప్రేక్షకులకు రుచించడం లేదు అంటూ వార్తలు వినిపిస్తున్నాయి.. అసలు విషయంలోకి వెళితే.. ఈయన రెండు మూడు మెగా సీరియల్స్ ని కలుపుతున్నట్టుగానే రెండు మూడు సినిమాలను ఏకతాటిపై తీసుకువచ్చి ఎల్ సి యు అని పేరు పెట్టాడు. ఇది అతడి స్క్రిప్టులలో తాజాదనాన్ని కోల్పోతోంది అని అభిమానులు ఆగ్రహం వ్యక్తం చేస్తున్నారు. అంతే కాదు లోకేష్ కనగరాజు తాను తెరకేక్కించే ప్రతి సినిమాలో కూడా డ్రగ్స్, మాఫియా హింసతో కూడుకున్నవిగా ప్రతి సినిమాలో ఇదే అయితే ప్రేక్షకులు చూడడానికి ఆసక్తి చూపించారు అనే వార్తలు కూడా వినిపిస్తున్నాయి. మరి ఇప్పటికైనా తన సినిమా కథను మార్చుతాడో లేదో చూడాలి.
