కోలీవుడ్ ఇండస్ట్రీలో మంచి క్రేజ్ ఉన్న హీరోలలో ఒకరు ఆయన కార్తీ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు.  కార్తీ 'యుగానికి ఒక్కడు' మూవీ తో తెలుగు ప్రేక్షకులను పలకరించాడు. ఈ మూవీ అద్భుతమైన విజయం సాధించడంతో కార్తీ కి తెలుగు సినిమా ఇండస్ట్రీ లో కూడా మంచి గుర్తింపు లభించింది. ఆ తర్వాత కార్తీ నటించిన అనేక తమిళ సినిమాలను తెలుగులో డబ్ చేసి విడుదల చేశాడు. అందులో భాగంగా కార్తీ నటించిన ఆవారా , నా పేరు శివ , కాకి , ఖైదీ మూవీ లు తెలుగు లో కూడా విడుదల అయ్యి మంచి విజయాలను అందుకున్నాయి. ఆఖరుగా కార్తి 'సుల్తాన్' మూవీ తో తెలుగు ప్రేక్షకులను పలకరించాడు. ఈ మూవీ లో నేషనల్ క్రష్ రష్మిక మందన హీరోయిన్ గా నటించింది. మంచి అంచనాల నడుమ విడుదలైన సుల్తాన్ మూవీ తెలుగు ప్రేక్షకులను పెద్దగా ఆకట్టుకోలేకపోయింది.

ఇది ఇలా ఉంటే తాజాగా కార్తీ 'విరుమాన్' అనే మూవీ లో హీరోగా నటించాడు. ఈ మూవీ ని తమిళ్ లో మాత్రమే విడుదల చేశారు. ఇది ఇలా ఉంటే ఈ సినిమాకు సంబంధించిన ఓ ఆసక్తికరమైన వార్త ప్రస్తుతం సోషల్ మీడియాలో తెగ వైరల్ అవుతుంది. అసలు విషయం లోకి వెళితే ...  ఈ మూవీ యూనిట్ ఇప్పటికే డిజిటల్ ప్లాట్ ఫామ్ ను లాక్ చేసుకున్నట్లు వార్తలు వస్తున్నాయి. ఈ మూవీ 'ఓ టి టి' హక్కులను ప్రముఖ 'ఓ టి టి' సంస్థలలో ఒకటి అయిన అమెజాన్ ప్రైమ్ వీడియో వారు దక్కించుకున్నట్లు వార్తలు వస్తున్నాయి. మరి ఈ వార్తలు ఎంత వరకు నిజమో చూడాలి. ఈ మూవీ లో రాజ్‌కిరణ్, ప్రకాష్ రాజ్, శరణ్య తదితరులు ముఖ్యమైన పాత్రల్లో నటించారు. 2డి ఎంటర్‌టైన్‌మెంట్స్ నిర్మించిన ఈ మూవీ కి యువన్ శంకర్ రాజా సంగీతం అందించారు.

మరింత సమాచారం తెలుసుకోండి: