കെ റെയിൽ; കൂടുതൽ ഭൂമി കൊല്ലത്ത് നിന്ന്! ആറ് വോള്യങ്ങളായി 3773 പേജുള്ളതാണ് പുറത്തുവന്നു. പദ്ധതിയുടെ ഭാഗമായി പൊളിക്കേണ്ട കെട്ടിടങ്ങളും ആരാധാനാലയങ്ങളുടെ വിശദമായ കണക്കും ചിത്രങ്ങളും ഉൾപ്പെടുത്തിയുള്ളതാണ് ഡിപിആർ. സ്റ്റേഷനുകളുടെ രൂപരേഖയും ഡിപിആറിലുണ്ട്. വിവാദങ്ങൾക്കിടെ കെ റെയിൽ പദ്ധതിയുടെ ഡിപിആർ പുറത്തുവിട്ട് സർക്കാർ. പദ്ധതിയുടെ ആകെ ദൂരം 530.6 കിലോമീറ്റർ ആയിരിക്കും. 13 കിലോമീറ്റർ പാലങ്ങളും 11.5 കിലോമീറ്റർ തുരങ്കവും നിർമ്മിക്കണം. പാതയുടെ ഇരുവശത്തും അതിർത്തി വേലികൾ ഉണ്ടാകും.
20 മിനിറ്റ് ഇടവേളയിൽ പ്രതിദിനം 37 സർവീസ് ആണ് ലക്ഷ്യം. 27 വർഷം കൊണ്ട് ഇരട്ടി സർവീസ് ലക്ഷ്യമിടുന്നുണ്ടെന്നും നിയമസഭയുടെ വെബ്സൈറ്റിലൂടെ പുറത്തുവിട്ട ഡിപിആറിൽ പറയുന്നുണ്ട്. ഡിപിആർ അനുസരിച്ച് പദ്ധതിയിൽ നിന്ന് പ്രതീക്ഷിക്കുന്ന ദിവസവരുമാനം 6 കോടി രൂപയാണ്. ആറര ലക്ഷം യാത്രക്കാരെയാണ് പ്രതീക്ഷിക്കുന്നത്. 2025 - 2026 പദ്ധതി കമ്മിഷൻ ചെയ്യുമെന്ന് റിപ്പോർട്ടിൽ പറയുന്നുണ്ട്. ഏറ്റവും കൂടുതൽ ഭൂമി ഏറ്റെടുക്കേണ്ടത് കൊല്ലം ജില്ലയിലാണ്. ട്രാഫിക് സർവേ, ജിയോ ടെക്നിക്കൽ ഇൻവെസ്റ്റിഗേഷൻ റിപ്പോർട്ട്, ടോപ്പോ ഗ്രാഫിക് സർവേയും ഡിപിആറിൻ്റെ ഭാഗമാണ്. 974 പേജുള്ള ടെക്നിക്കൽ ഇൻവെസ്റ്റിഗേഷൻ റിപ്പോർട്ടാണ് ഡിപിആറിലെ പ്രധാനപ്പെട്ട ഭാഗം.
470 പേജുള്ള ട്രോപ്പോഫിക്കൽ സർവേയാണ് തുടർന്നുള്ളത്. തിരുവനന്തപുരത്തെ സെൻ്റർ ഫോർ എൺവയോൺമെൻ്റ് ആൻഡ് ഡെവലപ്മെൻ്റ് പദ്ധതിയുടെ പരിസ്ഥിതി ആഘാത പഠനം നടത്തിയത്. പദ്ധതി കടന്ന് പോകുന്ന പ്രദേശത്തെ മുഴുവൻ സസ്യജാലങ്ങൾക്കും എന്ത് സംഭവിക്കുമെന്നത് ഉൾപ്പെടെയുള്ള വിവരങ്ങൾ സാമൂഹിക ആഘാത പഠനത്തിൽ വിശദമാക്കുന്നുണ്ട്. 320 പേജിലായിട്ടാണ് ഈ പഠനം നടക്കുന്നത്. ആദ്യഘട്ടത്തിൽ തന്നെ നെടുമ്പാശേരി എയർപോർട്ടുമായി ബന്ധിപ്പിക്കും.
പൊതു - സ്വകാര്യ പങ്കാളിത്തത്തോടെ ടൂറിസ്റ്റുകൾക്കായി പ്രത്യേക ട്രെയിൻ ഏർപ്പെടുത്തും. ട്രക്കുകൾ കൊണ്ട് പോകാൻ കൊങ്കൺ മാതൃകയിൽ റോറോ സർവീസ് ഉണ്ടാകും. ഒരുതവണ 480 ട്രക്കുകൾ കൊണ്ടു പോകാം. 620 പേജുള്ള സാധ്യതാ പഠനവും ഡിപിആറിൻ്റെ ഭാഗമായുണ്ട്. പദ്ധതിയുടെ ഭാഗമായി പൊളിക്കേണ്ട കെട്ടിടങ്ങളും ആരാധാനാലയങ്ങളുടെ വിശദമായ കണക്കും ചിത്രങ്ങളും ഉൾപ്പെടുത്തിയുള്ളതാണ് ഡിപിആർ. സ്റ്റേഷനുകളുടെ രൂപരേഖയും ഡിപിആറിലുണ്ട്.
Find out more:
click and follow Indiaherald WhatsApp channel