സംസ്ഥാനത്ത് ഇനി ഡ്രൈ ഡേ കാണില്ലേ? മറുപടിയുമായി ടൂറിസം മന്ത്രി! വിനോദ സഞ്ചാര മേഖലയിലെ എല്ലാ വിഷയങ്ങളും പരിഗണിച്ചുള്ള 'മിഷൻ 2023' മാസ്റ്റർ പ്ലാൻ അടുത്ത വർഷമുണ്ടാകും. നവംബർ പതിനാറിന് നടക്കുന്ന ടൂറിസം നിക്ഷേപ സംഗമം സ്വകാര്യ നിക്ഷേപകർക്ക് പുതിയ ആശയങ്ങളും അവസരങ്ങളും ചർച്ച ചെയ്യാൻ അവസരമൊരുക്കും. നൂതന പദ്ധതികൾ ആവിഷകരിക്കുന്ന 'കേരള മോഡൽ; ലോകമെമ്പാടും അനുകരിക്കുമെന്നും മന്ത്രി മുഹമ്മദ് റിയാസ് പറഞ്ഞു. സംസ്ഥാനത്ത് ഡ്രൈ ഡേ ഒഴിവാക്കുമോ എന്ന ചോദ്യത്തിന് മറുപടി നൽകി ടൂറിസം മന്ത്രി മുഹമ്മദ് റിയാസ്. ഡ്രൈ ഡേ ഒഴിവാക്കുകയെന്നത് തദ്ദേശ വകുപ്പുമായി ചർച്ച ചെയ്യേണ്ട കാര്യമാണ്. ഡ്രൈ ഡേ അടക്കമുള്ള വിഷയങ്ങളിൽ നയങ്ങളും നിർദേശങ്ങളുമടങ്ങുന്ന മാസ്റ്റർ പ്ലാൻ അവതരിപ്പിക്കുമെന്ന് മന്ത്രി വ്യക്തമാക്കി. തിരുവനന്തപുരത്ത് നടക്കുന്ന കേരളീയ പരിപാടിയുടെ ഭാഗമായുള്ള 'കേരളത്തിലെ വിനോദ സഞ്ചാര മേഖല' എന്ന സെമിനാറിൽ സംസാരിക്കുന്നതിനിടെയാണ് ഡ്രൈ ഡേ ഒഴിവാക്കുമോ എന്ന ചോദ്യത്തിന് ടൂറിസം മന്ത്രി മറുപടി നൽകിയത്.
നവംബർ പതിനാറിന് നടക്കുന്ന ടൂറിസം നിക്ഷേപ സംഗമം സ്വകാര്യ നിക്ഷേപകർക്ക് പുതിയ ആശയങ്ങളും അവസരങ്ങളും ചർച്ച ചെയ്യാൻ അവസരമൊരുക്കും. നൂതന പദ്ധതികൾ ആവിഷകരിക്കുന്ന 'കേരള മോഡൽ; ലോകമെമ്പാടും അനുകരിക്കുമെന്നും മന്ത്രി മുഹമ്മദ് റിയാസ് പറഞ്ഞു. വിനോദ സഞ്ചാര മേഖലയിലെ എല്ലാ വിഷയങ്ങളും പരിഗണിച്ചുള്ള 'മിഷൻ 2023' മാസ്റ്റർ പ്ലാൻ അടുത്ത വർഷമുണ്ടാകും. അതേസമയം തൃശൂർ വാടാനപ്പള്ളി ഗ്രാമപഞ്ചായത്തിന്റെ ബീച്ച് ടൂറിസം പദ്ധതിക്ക് ഭരണാനുമതിയായി. പദ്ധതി നിർവഹണവുമായി ബന്ധപ്പെട്ട കാര്യങ്ങൾ ചർച്ച ചെയ്യുന്നതിന് എംഎൽഎ മുരളി പെരുനെല്ലി, ജില്ലാ കളക്ടർ വി ആർ കൃഷ്ണ തേജ എന്നിവരുടെ നേതൃത്വത്തിൽ യോഗം ചേർന്ന് ബീച്ച് സന്ദർശിച്ചു.
ബീച്ച് ടൂറിസം രംഗത്ത് വലിയ സാധ്യതകളാണ് വാടാനപ്പള്ളി തീരദേശ മേഖലയ്ക്കുള്ളത്. സമീപപ്രദേശങ്ങളിലുള്ള മികച്ച ടൂറിസം ബീച്ചുകൾക്കൊപ്പം ഇടം പിടിക്കുകയാണ് വാടാനപ്പള്ളി ബീച്ചും. മണലൂർ നിയോജകമണ്ഡലം എംഎൽഎയായ മുരളി പെരിനെല്ലി എംഎൽഎ ഫണ്ടിൽ നിന്നും 2022 ൽ പദ്ധതിക്ക് ആവശ്യമായ 10 കോടി രൂപ അനുവദിച്ചിരുന്നു. 2023 ൽ പദ്ധതി തുടങ്ങുന്നതിന് ആവശ്യമായ ആദ്യഘട്ട പ്രവർത്തനങ്ങൾക്കായി രണ്ട് കോടി രൂപയുടെ ഭരണാനുമതി ലഭിച്ചതിനെ തുടർന്നാണ് പദ്ധതിയുടെ പ്രവർത്തനം വിലയിരുത്തുന്നതിനായി യോഗം ചേർന്നത്.
യോഗത്തിൽ ടൂറിസം എഞ്ചിനീയർ സ്ഥലം സന്ദർശിച്ച് വിശദമായ പദ്ധതി രൂപരേഖ തയ്യാറാക്കുന്നതിന് കളക്ടർ നിർദ്ദേശം നൽകി. വാടാനപ്പള്ളി ഗ്രാമപഞ്ചായത്തിലെ പതിനേഴാം വാർഡിൽ ഒരുങ്ങുന്ന ബീച്ച് ടൂറിസം പദ്ധതി യാഥാർത്ഥ്യമാകുന്നതോടെ വാടാനപ്പള്ളി സെന്റർ മുതൽ ബീച്ച് വരെയുള്ള റോഡ് ഉൾപ്പെടുന്ന അടിസ്ഥാന സൗകര്യങ്ങളുടെ വികസനവും തൊഴിലവസരങ്ങളും പ്രാദേശിക വികസനവുമാണ് ഗ്രാമപഞ്ചായത്ത് ലക്ഷ്യം വയ്ക്കുന്നത്.
Find out more:
click and follow Indiaherald WhatsApp channel