తామరస్సేరీ చెందిన 9 ఏళ్ల బాలిక ఈ వైరస్ వల్ల మరణించినట్లుగా అక్కడ కేరళ వైద్యులు ధ్రువీకరించారు. ముఖ్యంగా ఆ బాలికకు ఈనెల 13వ తేదీ నుంచి తీవ్రమైన జ్వరం రావడంతో కుటుంబ సభ్యులు ఆసుపత్రికి తీసుకువెళ్లి మరి చూపించారట. ఎంత చూపించినా కూడా ఈ బాలికకు జ్వరం తగ్గకపోవడంతో పాటుగా తీవ్రమైన తలనొప్పి జ్వరం రావడంతో కోజికోడ్ వైద్య కళాశాలకు తరలించినప్పటికీ ఆ బాలిక పరిస్థితి పూర్తిగా విషమించి కన్ను మూసింది. అయితే వైద్యులు పరీక్షలు నిర్వహించగా అమీబిక్ ఎన్కెఫలిటీస్ అనే వ్యాధితో మరణించినట్లుగా వైద్యులు గుర్తించారు.
ఈ ఏడాది అదే జిల్లాలో ఈ వ్యాధికి సంబంధించి మరో నలుగురికి కూడా ఇవే కేసులు నమోదయాయని తెలియజేశారు. అయితే ఇది కలుషితమైన నీటిని తాగడం వల్ల సోకే అవకాశం ఉన్నట్లు తెలియజేశారు. దీంతో ఆ జిల్లాలోని వాసులే కాకుండా కేరళ రాష్ట్రంలోని ప్రజలు కూడా ఆందోళన చెందుతున్నారు. వైద్యులు మాత్రం ఈ వ్యాధి గురించి కీలక విషయాలు తెలియజేశారు.. ముఖ్యంగా ఈ వైరస్ మనం తాగేటువంటి నీటి ద్వారానే మన మెదడుకు చేరుతుందని అంతేకాకుండా మెదడులో పునరావృత్తి చేసుకుంటూనే మెదడులో ఉండే భాగాలను కూడా దెబ్బతీసేలా చేస్తుందని తెలిపారు.
దీనివల్లే ఈ వ్యాధి బారిన పడ్డవారికి తీవ్రమైన తలనొప్పి, మతిమరుపు ,జ్వరం వంటి లక్షణాలు కనిపిస్తాయని దీనివల్ల చివరికి మరణం సంభవిస్తుందని తెలియజేశారు. అందుకే వైద్యుల సైతం ప్రతి ఒక్కరు గోరువెచ్చని నీటిని తాగడం మంచిదని తెలుపుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి