రాజకీయాల్లో "శాశ్వత శత్రువులు, శాశ్వత మిత్రులు లేరు" అన్న మాట వందసార్లు రుజువైంది. ఇవాళ శత్రువుల్లా తిట్టుకున్నా, రేపు కలిసి కుర్చీలపై కూర్చోవడం చూశాం. అలాగే, సొంత రక్తసంబంధాల మధ్యే రాజకీయ పోరు పెల్లుబికిన ఉదాహరణలు దేశ చరిత్రలో అనేకం ఉన్నాయి. తాజాగా బీఆర్‌ఎస్ ఎమ్మెల్సీ కల్వకుంట్ల కవితపై సస్పెన్షన్ వేటు వేయడంతో, కుటుంబ పోరాటాల వల్ల పుట్టిన చీలికలు మళ్లీ చర్చనీయాంశమయ్యాయి.


మహారాష్ట్ర – పవార్ కుటుంబ పోరు :
శరద్ పవార్ స్థాపించిన ఎన్సీపీలో ఆయన మేనల్లుడు అజిత్ పవార్ తిరుగుబాటు చేసి పార్టీనే చీల్చారు. 2023లో షిండే శివసేన-బీజేపీ కూటమికి జతకట్టి ఉపముఖ్యమంత్రిగా సీటు కైవసం చేసుకున్నారు. 2024లో కూటమిగా పోటీ చేసి అధికారాన్ని కూడా గెలుచుకున్నారు. ఇది మహారాష్ట్ర రాజకీయాల్లో అతిపెద్ద కుటుంబ తిరుగుబాటు.

తమిళనాడు – కరుణానిధి వారసత్వం కోసం పోరు :
డీఎంకేలో కరుణానిధి పెద్ద కుమారుడు అళగిరి వ్యతిరేక కార్యకలాపాల కారణంగా బహిష్కరించబడ్డాడు. చివరికి ఆయన తమ్ముడు స్టాలిన్ పార్టీని నడిపి సీఎం అయ్యాడు. కుటుంబంలోనే చోటుచేసుకున్న ఈ పోరు తమిళనాడులో పెద్ద చర్చ అయ్యింది.

ఉత్తర్‌ప్రదేశ్ – అప్నాదళ్ లోనూ కలహాలు :
అప్నాదళ్ వ్యవస్థాపకుడు సోన్ లాల్ పటేల్ తన కుమార్తె అనుప్రియా పటేల్ను సస్పెండ్ చేశారు. కానీ ఆమె ఆగకుండా బీజేపీలో చేరి ప్రస్తుతం కేంద్ర సహాయమంత్రిగా ఎదిగింది.

ఇందిరా – మేనకా ఘర్షణ :
దివంగత ప్రధాని ఇందిరాగాంధీ కోడలు మేనకా గాంధీ విభేదాల కారణంగా కాంగ్రెస్ నుంచి బహిష్కరించబడ్డారు. తర్వాత జనతాదళ్‌లో చేరి, ఇప్పుడు బీజేపీ సీనియర్ నేతగా నిలిచారు.

ఆంధ్రప్రదేశ్ – ఎన్టీఆర్ కుటుంబ కలహాలు :
టీడీపీ స్థాపకుడు ఎన్టీఆర్ కుమారుడు హరికృష్ణ పార్టీ వ్యతిరేక ధోరణి కారణంగా సస్పెండ్ అయ్యారు. తర్వాత ఆయన స్వంతంగా పార్టీ పెట్టినా సక్సెస్ కాలేక, చివరికి తిరిగి టీడీపీలో విలీనం చేశారు.

మహారాష్ట్ర – శివసేనలో ఠాక్రేల యుద్ధం :
బాలఠాక్రే మేనల్లుడు రాజ్ ఠాక్రే వారసత్వ వివాదం కారణంగా పార్టీ నుంచి బయటకు వెళ్లి మహారాష్ట్ర నవనిర్మాణ్ సేన ప్రారంభించారు. నేడు రాజ్ – ఉద్ధవ్ మళ్లీ దగ్గర కావడం అక్కడి రాజకీయాల్లో కీలక పరిణామం.

ఉత్తర్‌ప్రదేశ్ – సమాజ్‌వాదీ కుటుంబ డ్రామా :
ములాయం సింగ్ యాదవ్ తమ్ముడు శివపాల్ యాదవ్ను పార్టీ నుంచి సస్పెండ్ చేశారు. ఇప్పుడు ములాయం కుమారుడు అఖిలేష్ యాదవ్ పార్టీని నడుపుతున్నారు. ఆయన భార్య డింపుల్ యాదవ్ లోక్‌సభ ఎంపీగా ఉన్నారు.

బిహార్ – లాలూ కుటుంబం విభేదాలు :
ఆర్జేడీ అధినేత లాలూ ప్రసాద్ యాదవ్ తన కుమారుడు తేజ్ ప్రతాప్ యాదవ్ను పార్టీకి నష్టం కలిగించే చర్యల కారణంగా బహిష్కరించారు. ఇది కూడా బిహార్ రాజకీయాల్లో సంచలనమే.

తెలంగాణ – కవిత ఎపిసోడ్ :
ఇప్పుడు తెలంగాణలో కేసీఆర్ కుమార్తె కవితపై బీఆర్‌ఎస్ పార్టీ సస్పెన్షన్ వేయడం కొత్త ఎపిసోడ్. పార్టీ నేతలపై ఆరోపణలు, వ్యాఖ్యలతో పార్టీ ప్రతిష్ట దెబ్బతింటోందని కారణం చూపి ఈ చర్య తీసుకున్నారు.

మొత్తం మీద: దేశవ్యాప్తంగా ఎక్కడ చూసినా కుటుంబ కలహాలు, వారసత్వ వివాదాలు, పార్టీ లోపలి ఘర్షణలు రాజకీయాల్ని కుదిపేశాయి. ఈ క్రమంలో “రాజకీయాల్లో శాశ్వత మిత్రులు, శాశ్వత శత్రువులు లేరు” అన్న నిజం మళ్లీ మళ్లీ నిరూపితమవుతోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Family politics

Amruth kumar

03/09/2025 10:22 AM