కాబట్టి రెండు జట్లకు కూడా ఇది చాలా కీలకమైన మ్యాచ్. ఖచ్చితంగా ఒత్తిడి ఆస్ట్రేలియాపైనే ఉంటుంది, ఒకవేళ ఈ మ్యాచ్ లో ఆస్ట్రేలియా ఓడిపోతే సెమీస్ దారులు మూసుకుపోయినట్లే. మొదట టాస్ గెలిచిన ఐర్లాండ్ ఫీల్డింగ్ ఎంచుకుంది. ఆస్ట్రేలియా ఆరంభం నుండి ధాటిగా ఆడి భారీ టార్గెట్ ను సెట్ చెయ్యాలి, లేదంటే ఐర్లాండ్ నుండి షాక్ తప్పదు. ఆస్ట్రేలియా గెలిచిన ఏకైక మ్యాచ్ లో స్టాయినిస్ బ్లిండర్ ఇన్నింగ్స్ ఆడి గెలుపులో కీలక పాత్ర పోషించాడు. మరి ఈ రోజు మ్యాచ్ లోనూ అతను చెలరేగి ఆడితే ఐర్లాండ్ కు చిక్కులు తప్పవు.
ఇరు జట్లు కూడా గత మ్యాచ్ లో ఆడిన ప్లేయర్స్ తోనే బరిలోకి దిగాయి. పిచ్ ను బట్టి చూస్తే బ్యాటింగ్ కు స్వర్గధామంగా ఉండనుంది అని తెలుస్తోంది. ఓపెనర్లు మంచి స్టార్ట్ ను అందిస్తే ఆస్ట్రేలియా 180 కి పైగానే పరుగులు సాధించవచ్చు. ఇక బ్యాటింగ్ లో విఫలం అవుతున్న పించ్, మిచెల్ మార్ష్ మరియు మక్సవెల్ లు రాణించాలని జట్టు యాజమాన్యం భావిస్తోంది. ఐర్లాండ్ సమిష్టిగా ఆడి ఆస్ట్రేలియా సెమీస్ ఆశలకు గండి కొడుతుందా లేదా ఆస్ట్రేలియా అనుభవంతో ఆడి సెమీస్ కు మరింత దగ్గరవుతోందా చూడాలి.