ఇక అతను వికెట్ కోల్పోయిన తీరు చూసిన తర్వాత నిజంగానే అతన్ని దురదృష్టం వెంటాడిందని ప్రతి ఒక్కరు భావిస్తూ ఉన్నారు. చెన్నై సూపర్ కింగ్స్ సెకండ్ ఇన్నింగ్స్ సమయంలో ఇంపాక్ట్ ప్లేయర్గా ఆకాష్ సింగ్ ను తీసుకుంది. తొలి ఓవర్ వేసేందుకు ధోని బంతిని ఆకాష్ సింగుకు అందించాడు. అయితే ఈ ఓవర్ లో రెండో బంతికి ఫోర్ కొట్టి విరాట్ కోహ్లీ మంచి జోరు కనబరిచారు అని చెప్పాలి. అయితే ఇదే ఓవర్లో ఐదో బంతిని విరాట్ కోహ్లీ లెగ్ సైడ్ ఆడటానికి ప్రయత్నించాడు. కానీ చివరికి బ్యాట్ ఇన్సైడ్ ఎడ్జ్ తీసుకొని కోహ్లీ బూట్ ను తాకి స్టంప్ ను గిరాటేసింది. అయితే ఇలా జరుగుతుందని కోహ్లీ కూడా అస్సలు ఊహించలేదు. వికెట్ పడటంతో ఒక్కసారిగా షాక్ అయ్యాడు. దీంతో నిరాశతోనే కోహ్లీ మైదానాన్ని వీడాడు. కోహ్లీ వికెట్ పడగొట్టిన ఆకాష్ సింగ్ ఆనందానికి అవధులు లేకుండా పోయాయి అని చెప్పాలి. ఇక విరాట్ కోహ్లీ ఇలా అనుకోని విధంగా అవుట్ కావడంతో ఫాన్స్ కూడా ఫీలయ్యారు.
