ఇలా దాదాపుగా ప్రతి మ్యాచ్ లో కూడా డిఆర్ఎస్ కోరుకోవడం చూస్తూ ఉంటాం. కానీ క్లీన్ బోల్డ్ అయిన తర్వాత ఎవరైనా డిఆర్ఎస్ కోరుకుంటారా.. క్లీన్ బోల్డ్ అయ్యాక ఇంకా డిఆర్ఎస్ కోరుకోవడానికి ఏముంది అని అంటారు క్రికెట్ ప్రేక్షకులు ఎవరైనా. కానీ ఇక్కడ ఒక క్రికెటర్ మాత్రం క్లీన్ బౌల్డ్ అయిన సమయంలో కూడా డిఆర్ఎస్ కోరుకున్నాడు. ఆ క్రికెటర్ ఎవరో కాదు ఇండియన్ సీనియర్ స్పిన్నర్ రవిచంద్రన్ అశ్విన్. ప్రస్తుతం న్యూజిలాండ్ భారత్ మధ్య రెండో టెస్టు మ్యాచ్ జరుగుతుంది టెస్ట్ మ్యాచ్లో భాగంగా రవిచంద్రన్ అశ్విన్ బ్యాటింగ్ కి వచ్చాడు.
ఈ క్రమంలోనే న్యూజిలాండ్ స్పిన్నర్ అజాజ్ పటేల్ బౌలింగ్ వేశాడు.. ఇక అతని బౌలింగులో రవిచంద్రన్ అశ్విన్ క్లీన్ బౌల్డ్ అయ్యాడు. కానీ ఇది అశ్విన్ గమనించలేదు.. దీంతో వెంటనే రివ్యూ కోరాడు. ఆ తర్వాత ఏం జరిగిందో అని వెనక్కి చూసిన తర్వాత అతనికి అసలు సీన్ అర్థమైంది. దీంతో రివ్యూ వెనక్కి తీసుకుని పెవిలియన్ చేరాడు రవిచంద్రన్ అశ్విన్. ఇక దీనికి సంబంధించిన వీడియోను ఒక నెటిజన్ సోషల్ మీడియాలో పోస్ట్ చేయడంతో ఇది కాస్త వైరల్ గా మారిపోయింది. ఇక ఇది చూసిన తర్వాత క్లీన్ బౌల్డ్ అయిన తర్వాత రివ్యూ ఏంటి అశ్విన్ అంటూ కామెంట్లు పెడుతున్నారు నెటిజన్లు.