టీమిండియా కెప్టెన్ రోహిత్ శర్మకు డబుల్ సెంచరీ వీరుడిగా పేరు ఉంది అన్న విషయం తెలిసిందే. ఎందుకంటే ఇప్పటివరకు వన్డే ఫార్మాట్లో మూడుసార్లు డబుల్ సెంచరీ మార్క్ అందుకున్నాడు రోహిత్ శర్మ. అయితే ఇటీవల రోహిత్ శర్మ తర్వాత యువ ఆటగాళ్లు ఇషాన్ కిషన్, శుభమన్ గిల్ కూడా డబుల్ సెంచరీ మార్క్ అందుకొని ఆ క్లబ్లో చేరిపోయారు. గతంలో బంగ్లాదేశ్ తో జరిగిన మూడో వన్డే మ్యాచ్లో ఇషాన్ కిషన్ డబుల్ సెంచరీ చేస్తే ఇక ఇటీవల న్యూజిలాండ్తో జరిగిన మొదటి వన్డే మ్యాచ్లో గిల్ డబుల్ సెంచరీ తో చెలరేగిపోయాడు.
ఇషాన్ డబుల్ సెంచరీ తర్వాత అతనికి టీమిండియాలో స్థానం సుస్థిరం అయినట్లే అని అందరూ అనుకున్నారు. కానీ తర్వాత 3 మ్యాచ్ల పాటు అతని టీమిండియా కు దూరంగానే ఉన్నాడు. ఇక ఇదే విషయంపై ఏకంగా కెప్టెన్ రోహిత్ శర్మకే కౌంటర్ ఇచ్చాడు ఇశాన్ కిషన్ ఇటీవల గిల్, ఇషాన్ లను రోహిత్ ఇంటర్వ్యూ చేశాడు. ఈ క్రమంలోనే కిషన్ తో మాట్లాడుతూ నువ్వు బంగ్లాదేశ్ పై రెండు వందలు కొట్టిన తర్వాత తర్వాత మూడు మ్యాచ్లు ఆడలేదు అంటూ ప్రశ్నించగానే.. బ్రదర్ నువ్వే కదా కెప్టెన్ వి. నన్ను నువ్వే తీసేయగలవు అంటూ రోహిత్ కూ కౌంటర్ వేసేసరికి అందరూ ఒక్కసారిగా నవ్వుకున్నారు.
