ఇండియన్ మెన్ ఫుట్ బాల్ టీం లో లెజెండ్ గా పేరుగాంచాడు సునీల్ చెత్రీ. నేడు ఆయన పుట్టినరోజు.ఇండియన్ ఫుట్ బాల్ టీం అంటే సునీల్ చెత్రీ.. సునీల్ చెత్రీ అంటే ఇండియన్ ఫుట్ బాల్ జట్టు అన్నంతగా ముద్రను వేసుకున్నాడు.ఏకంగా రెండు దశాబ్దాల నుంచి భారత జట్టును ముందుకి నడిపిస్తున్నాడు ఈ లెజెండ్ ఆటగాడు. తాజాగా శాఫ్ టోర్నమెంట్ విజేతగా ఇండియన్ టీం ని తొమ్మిదో సారి నిలపడంలో సునీల్ చెత్రీ పాత్ర అనిర్వచనీయమైనది.ఇక భారత జట్టు తరుపున అత్యధిక గోల్స్ చేసిన ఆటగాడిగా కూడా తన పేరిట రికార్డు నమోదు.భారత జట్టు విజయాల వెనక చెత్రీ ఉంటాడని ఆయన అభిమానులు బలంగా విశ్వసిస్తారంటే.. ఆయన ఆటతీరు ఏ విధంగా ఉంటుందో అర్థం చేసుకోవచ్చు.ఇక అంతర్జాతీయ ఫుట్ బాల్ క్రీడలో తనకంటూ ప్రత్యేక గుర్తింపు తెచ్చుకున్న సునీల్ చెత్రీ.. ఆట తీరుతో ఎన్నో లక్షలాది మంది అభిమానులను సంపాదించుకున్నాడు. అసలు ఎన్నో లక్షలాది మంది అభిమానులు సునీల్ చెత్రీ ఆట చూసేందుకు మైదానాలకు వస్తుంటారు. సునీల్ చెత్రీ కూడా తన ఆటతీరుతో చాలా రికార్డులను తన పేరిట నమోదు చేసుకున్నాడు.


 ఇప్పటి దాకా ఆడిన 140 అంతర్జాతీయ మ్యాచుల్లో 92 గోల్స్ కొట్టి.. ఇండియా తరపున అత్యధిక గోల్స్ చేసిన ఆటగాడిగా గుర్తింపు పొందాడు. ఇకపోతే అత్యధిక గోల్స్ చేసిన యాక్టివ్ ఆటగాళ్లలో మూడో స్థానంలో నిలిచాడు సునీల్.కేవలం ఫుట్ బాల్ సూపర్ స్టార్ క్రిస్టియానో రోనాల్డో, లియోనల్ మెస్సీ మాత్రమే సునీల్ చెత్రీ కంటే ముందంజలో ఉన్నారు.ఇక మొత్తంగా చూసుకుంటే అత్యధిక గోల్స్ కొట్టిన ఆటగాళ్ల జాబితాలో నాలుగో స్థానంలో ఉన్నాడు సునీల్ చెత్రీ. క్లబ్, దేశం తరఫున మొత్తం 244 గోల్స్ సాధించాడు సునీల్.ఫుట్ బాల్ ఆటలోకి 2002 వ సంవత్సరంలో మోహున్ భగవాన్ తో జరిగిన మొదటి మ్యాచ్ ద్వారా అరంగేట్రం చేశాడు. అంతర్జాతీయ గోల్ ను 2005 వ సంవత్సరంలో సాధించాడు. అదే సంవత్సరం ఆడిన మొదటి మ్యాచ్ లోనే దాయాది దేశం పాకిస్తాన్ పైనే మొదటి గోల్ కొట్టి రికార్డ్ సృష్టించాడు. 2011 వ సంవత్సరంలో న్యూఢిల్లీలో జరిగిన శాఫ్ ఛాంపియన్షిప్ లో ఏడు గోల్స్ కొట్టి భారత ఫుట్ బాల్ టీం విజయం సాధించడంలో కీలకంగా వ్యవహరించాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

SUNIL CHHETRI

Purushottham Vinay

03/08/2023 05:46 PM