ఉదాహరణకు మీరు ఇపుడు ఒక బట్టల దుకాణం పెట్టాలి అనుకున్నపుడు బట్టలు దుకాణాలు పెద్దగా లేని అలాగే ప్రజలకు అందుబాటులో ఉండేలా ప్రదేశాన్ని ఎంచుకుని అక్కడ మీ వ్యాపారాన్ని మొదలు పెట్టాలి. అంతే కాకుండా అందరిలా సాధారణంగా కాకుండా మీ షాపుకే జనాలు ఎక్కువ అట్రాక్ట్ అయ్యేలా ఏదో ఒక కొత్తదనాన్ని, ప్రత్యేకతను ఏర్పాటు చేయాలి. అంటే క్వాలిటీ బట్టలను సరసమైన ధరలకు అమ్మడం, లేదా అన్ని వర్గాల కస్టమర్లను ఆకర్షించేలా ఎక్కువ కలెక్షన్స్ ఉంచడం వంటివి చేయాలి. అదే కాకుండా మారుతున్న కాలంతో పాటు ట్రెండ్ కి తగ్గట్టుగా మీ ఆలోచన విధానాన్ని మారుస్తూ మీ వ్యాపారంపై ఆ ఆలోచనలను అమలు చేస్తూ అప్డేట్ అవ్వాలి.
ఆకర్షణీయమైన దుస్తులను డిస్ప్లే చేయడం, షాపును ఆకర్షణీయంగా ఆహ్లాదకరంగా ఉండేలా డిజైన్ చేసుకోవడం వంటివి ప్రజల దృష్టి మీ వైపు పడేలా చేస్తాయి. ఇలా పలు రకాల వ్యాపార సూత్రాలను దృష్టిలో ఉంచుకొని వ్యాపారాన్ని మొదలు పెడితే అంతా మంచే జరుగుతుంది. వ్యాపారం ఏదైనా మీ మెదడుకు ఎప్పటికప్పుడు పదును పెడుతూ చురుగ్గా ఉంటూ వ్యాపారంలో జోరు చూపిస్తూ..శ్రమిస్తే లాభాలు ఇక మీ వెంటే. ఇది ఒక్క బట్టల వ్యాపారంలోనే కాదు. మీరు ఏ వ్యాపారం చేయాలనుకున్న ఈ విధంగా ఆలోచిస్తూ ముందుకు వెళితే మీకిక అడ్డే ఉండదు.
