ఆంధ్ర ప్రదేశ్ రాష్ట్రం, కాకినాడ జిల్లా, కొత్తపల్లి మండలం, మూలపేట అనే గ్రామంలో ఒక విచిత్ర సంఘట చోటుచేసుకుంది. ఆ గ్రామంలో ఒక చిన్న రామాలయం ఉంది. ఒక ఫ్యాను,  రెండు మూడు లైట్లు తప్ప మరేమి లేని ఆ ఆలయానికి వచ్చిన కరెంటు బిల్ చూసి ఒక్కసారిగా షాక్ అయ్యారు ఆ గ్రామస్థులు. గరిష్టంగా ప్రతినెలా 1000 రూపాయలు కరెంటు బిల్ వచ్చేది ఆ ఆలయానికి. ఏ నెల బిల్లు అదే నెల క్రమం తప్పకుండా చెల్లిస్తూ ఉంటారు గ్రామస్థులు. ఎప్పటిలాగానే ఈ నెల కూడా కరెంటు బిల్ వచ్చింది. కానీ ఈసారి వచ్చింది 1000 రూపాయలు కాదు. 4 కోట్ల 19 లక్షల 83 వేల 536 రూపాయలు. ఈ బిల్లు చూసిన ఆ గ్రామస్థులకు ఒక్కసారిగా కళ్ళు తిరిగాయి. ఆగష్టు నెలలో ఆ ఆలయానికి ఒక కోటి 7 లక్షల 37 వేల 455 యూనిట్ల కరెంటు వాడినట్లు చూపించింది ఆ బిల్లు. వెంటనే ఆ బిల్లు తీసుకొని విద్యుత్ శాఖ ఏఈ ని కలిసేందుకు వెళ్లారు ఆలయ నిర్వాహకులు. ఆ బిల్లును పరిశీలించిన ఏఈ, మీటర్ స్కాన్ చేసిన సమయంలో ఏదో పొరపాటు జరిగి ఉంటుందని, వెంటనే ఆ బిల్లుని సరిచేసి కొత్త బిల్లు ఇస్తామని హామీ ఇచ్చారు.

ఇటీవలే ఇటువంటి సంఘటన ఒకటి కర్ణాటక రాష్ట్రంలో చోటుచేసుకుంది. ఒక చిన్న గదిలో ఉంటున్నావు 90 ఏళ్ళ ముసలమ్మకు లక్ష రూపాయల కరెంటు బిల్లు చేతిలో పెట్టింది ఎలక్ట్రిసిటీ డిపార్టుమెంటు. ఈ సంఘటన కర్ణాటక లోని కొప్పల్ జిల్లా లో జరిగింది. తన కొడుకుతో కలిసి కొప్పల్ జిల్లా, భాగ్య నగర్ గ్రామానికి చెందిన ఆ పెద్దావిడ ఉంటున్న ఆ గదిలో రెండు బల్బులు మాత్రమే ఉన్నాయ్. కానీ కరెంటు బిల్లు మాత్రం ఏదో పెద్ద షాపింగ్ మాల్ కు వచ్చినంత వచ్చింది. ఇది చూసి ఆ ఊరంతా అవాక్కయ్యింది. ఇంత డబ్బు తానెలా కట్టేది అని వాపోయింది ఆ ముసలావిడ. ఈ విషయం తెలిసిన అధికారులు ఆమె ఇంటికి వచ్చి మీటర్ చెక్ చేసారు. టెక్నికల్ సమస్య వలెనే ఇలా జరిగిందని, ఆమె అంత డబ్బు కట్టవలసిన పని లేదని భరోసా ఇచ్చారు అధికారులు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Bill

praveen

15/09/2023 09:15 PM