అయితే ఆ మూవీ తరువాత గీత ఆర్ట్స్ బ్యానర్ పై జానీ మూవీ చేసారు పవన్ కళ్యాణ్. తొలిసారిగా ఈ మూవీ ద్వారా మెగాఫోన్ పట్టారు పవన్. ఈ సినిమాలో రేణు దేశాయ్ హీరోయిన్ గా నటించగా రమణ గోగుల మ్యూజిక్ అందించారు. అప్పట్లో భారీ ఖర్చు, హై టెక్నీకల్ వాల్యూస్ తో తెరకెక్కిన ఈ సినిమా మాత్రం భారీ అంచనాలతో విడుదలై బాక్సాఫీస్ దగ్గర డిజాస్టర్ గా నిలిచింది. ముఖ్యంగా సినిమాలో కథ బాగున్నప్పటికీ కథనం ఆకట్టుకునేలా లేకపోవడం జానీ పరాజయానికి
ముఖ్య కారణాలుగా పలువురు విశ్లేషకులు ఇప్పటికీ చెప్తూ ఉంటారు. కథ ప్రకారం తల్లి మరణం తరువాత మార్షల్ ఆర్ట్స్ కోచ్ గా మారిన జానీ ఆపై గీత అనే అమ్మాయిని ఇష్టపడడం, అయితే ఆ తరువాత ఆమెకు క్యాన్సర్ వ్యాధి సోకిందని తెలియడంతో ఆమె వైద్యం ఖర్చు కోసం పలువురు ఇతర దేశ మార్షల్ ఆర్ట్స్ పర్సన్స్ తో సైతం జానీ పోటీ పడి ఫైట్ చేసి చివరకు డబ్బు గెలిచి ఆమెను బ్రతికించుకుంటాడు.
సినిమా ఫెయిల్ అయినప్పటికీ ఇందులో పవన్ చేసిన అద్భుతమైన యాక్షన్, ఫైట్ సీన్స్ కి అందరి నుండి మంచి పేరు దక్కింది. అలానే రమణగోగుల అందించిన సాంగ్స్ కూడా శ్రోతలను బాగా ఆకట్టుకున్నాయి. ఆ విధంగా ఖుషి తరువాత భర్తీ హైప్ తో విడుదలైన జానీ సినిమా పరాజయం పాలవడంతో పవన్ ఫ్యాన్స్ ఎంతో నిరాశ చెందారు అనే చెప్పాలి. ఇక ఇప్పటికీ ఈ సినిమా బుల్లితెర పై ప్రసారమైతే మంచి వ్యూస్ ని దక్కించుకుంటూ ఉండడం విశేషంగా చెప్పుకోవాలి ..... !!
