మోదీ – తారక్ టాప్ 2లో! .. దేశ ప్రధానమంత్రి నరేంద్ర మోదీ ఎప్పటిలాగే అగ్రస్థానాన్ని దక్కించుకున్నారు. ఆయన తీసుకునే నిర్ణయాలు, అంతర్జాతీయ పర్యటనలు, ఎన్నికల వ్యూహాలు – ఇవన్నీ నెటిజన్ల చర్చల్లో హాట్ టాపిక్ అయ్యాయి. అయితే రెండో స్థానంలో టాలీవుడ్ స్టార్ హీరో జూనియర్ ఎన్టీఆర్ నిలవడం పెద్ద సంచలనం. గత ఏడాది దేవరతో బాక్సాఫీస్‌ను షేక్ చేసిన తారక్, ఈ ఏడాది మాత్రం బాలీవుడ్ డెబ్యూ వార్ 2తో నేషనల్ లెవల్‌లో దుమ్మురేపారు. అందుకే నెట్టింట ఎక్కువగా ఆయన గురించే మాట్లాడుకున్నారని ఎక్స్ గణాంకాలు చెబుతున్నాయి.
విజయ్, పవన్, గిల్ – మిగతా టాప్ స్థానాలు .. మూడో స్థానంలో కోలీవుడ్ దళపతి విజయ్ నిలిచారు. తన రాజకీయ పార్టీ స్థాపన, రాబోయే తమిళనాడు ఎన్నికల్లో పోటీకి సన్నాహాలు చేయడం, చివరి సినిమా జన నాయకుడుతో బిజీగా ఉండటం – ఇవన్నీ ఆయనను టాప్ ట్రెండ్స్‌లో ఉంచాయి. నాలుగో స్థానంలో ఆంధ్రప్రదేశ్ డిప్యూటీ సీఎం, పవర్ స్టార్ పవన్ కళ్యాణ్ ఉన్నారు. ఆయన నటించిన OG సినిమా అప్‌డేట్స్ సోషల్ మీడియాలో సునామీలా పాకాయి. క్రికెట్ వైపు చూస్తే టీమిండియా టెస్ట్ కెప్టెన్ శుభ్‌మన్ గిల్ ఐదో స్థానంలో నిలవడం విశేషం. యంగ్ స్టార్ గా అద్భుత ప్రదర్శనతో పాటు వ్యక్తిగత జీవితంపై వచ్చే చర్చలతో గిల్ ఫుల్ ట్రెండ్ అయ్యాడు.
మహేష్, విరాట్, ధోనీ, రజనీ కూడా లిస్ట్‌లో! ఆరవ, ఏడవ స్థానాలు వరుసగా కాంగ్రెస్ నేత రాహుల్ గాంధీ, క్రికెట్ మాజీ కెప్టెన్ విరాట్ కోహ్లీ దక్కించుకున్నారు. ఎనిమిదో స్థానంలో టాలీవుడ్ సూపర్ స్టార్ మహేష్ బాబు నిలిచారు. రాజమౌళి దర్శకత్వంలో వస్తున్న SSMB 29పై ఉన్న క్రేజ్, అలాగే ఆయన 50వ పుట్టినరోజు వేడుకలు – ఇవన్నీ సోషల్ మీడియాలో హ్యాష్‌టాగ్‌ల దాడి చేయించాయి. తొమ్మిదో స్థానంలో మహేంద్ర సింగ్ ధోనీ, పదో స్థానంలో తమిళ తలైవర్ రజనీకాంత్ నిలిచారు. రజనీ నటించిన కూలీ స్వాతంత్ర్య దినోత్సవ కానుకగా రిలీజై బాక్సాఫీస్‌లో అదరగొట్టింది.
బాలీవుడ్ స్టార్ ఎవ్వరూ లేరు! ఆశ్చర్యకరంగా ఈ టాప్-10 లిస్ట్‌లో బాలీవుడ్ నుంచి ఒక్క సెలబ్రిటీ కూడా లేకపోవడం షాక్. సౌత్ నుంచి ఐదుగురు స్టార్లు, రాజకీయాల నుంచి ఇద్దరు, క్రికెట్ నుంచి ముగ్గురు – ఈసారి సోషల్ మీడియా స్పేస్‌ను ఆక్రమించారు. మొత్తానికి, మోదీ – తారక్ అగ్రస్థానాలు, పవన్ – మహేష్ – విజయ్ ట్రెండ్, రజనీ రాక… ఈ ఆగస్టులో సోషల్ మీడియా మొత్తం సౌత్ స్టార్లదే శాసనం అని చెప్పొచ్చు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి