ఈ సినిమాలో యుక్తి తరేజా ప్రధాన కథానాయికగా నటించగా, నటుడు నరేష్ కూడా కీలక పాత్రలో మెప్పించారు. నరేష్ ఈ సినిమాతో మరొకసారి సూపర్ బ్లాక్‌బస్టర్ అందుకున్నారు. సినిమా ప్రమోషన్స్‌లో కిరణ్ అబ్బవరం చాలా చురుగ్గా పాల్గొన్నారు. సినిమా రిలీజ్ అయ్యి సక్సెస్ అయిన తర్వాత కూడా ఆయన సక్సెస్ సెలబ్రేషన్స్, సక్సెస్ మీట్‌లలో పాల్గొంటూ అభిమానులతో మమేకమవుతున్నారు.
ఇదే క్రమంలో ఒక ఇంటర్వ్యూలో యాంకర్ ఆయనను ఒక ఆసక్తికరమైన ప్రశ్న అడిగారు —“మీకు పవన్ కళ్యాణ్ అంటే చాలా ఇష్టం అని తెలుసు. ఆయన సినిమాలో అవకాశం వస్తే నటిస్తారా?” అని అడగ్గా..దీనికి కిరణ్ అబ్బవరం చాలా స్పష్టంగా సమాధానం ఇచ్చారు. “నేను పవన్ కళ్యాణ్ గారికి పెద్ద అభిమాని. ఆయనను చాలా గౌరవిస్తాను, ఆయనపై నాకు అపారమైన అభిమానముంది. కానీ ఇప్పుడు నేను హీరోగా నా కెరీర్‌కి స్థిరపడుతున్న దశలో ఉన్నాను. ఆయన సినిమాలో సైడ్ క్యారెక్టర్ లేదా చిన్న పాత్ర కోసం నేను చేయను. పవన్ కళ్యాణ్ గారితో నటించే అవకాశం అంటే గౌరవమే కానీ, ఇప్పుడున్న దశలో నేను నా హీరో ఇమేజ్‌ను కాపాడుకోవాలనుకుంటున్నాను,” అని తెలిపారు.
ఈ వ్యాఖ్యలతో సోషల్ మీడియాలో పెద్ద చర్చ మొదలైంది. కొంతమంది కిరణ్ అబ్బవరం నిజాయితీని ప్రశంసిస్తుండగా, మరికొంతమంది ఆయనను ట్రోల్ చేస్తున్నారు. అయితే కిరణ్ అబ్బవరం మాత్రం ఎప్పటిలాగే తన స్పష్టమైన అభిప్రాయాలను బయటపెడుతూ, అభిమానుల మన్ననలు పొందుతున్నారు. మొత్తానికి, పవన్ కళ్యాణ్ సినిమాల్లో నటించనని చెప్పినా, కిరణ్ అబ్బవరం తన సత్యనిష్ఠతో, ధైర్యంగా మాట్లాడే నైజంతో మరోసారి సోషల్ మీడియాలో హాట్ టాపిక్‌గా మారారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి