అయితే స్థానికులు కాస్త భయం భయంగానే ఆ చెక్క పెట్టె అని తెరిచి చూశారూ. ఇంతలో ఒక్కసారిగా అందరూ అవాక్కయ్యారు. ఎందుకంటే ఆ చెక్కపెట్టె లో ఏకంగా ఒక పసికందు ఉంది. అంతేకాదు ఆ చెక్క పెట్టె లో అమ్మవారి ఫోటో కూడా ఉండటం గమనార్హం. ఇక ఇది కాస్త రాష్ట్రవ్యాప్తంగా హాట్ టాపిక్ గా మారిపోయింది. ఉత్తరప్రదేశ్ రాష్ట్రంలో వెలుగులోకి వచ్చింది ఈ ఘటన. చెక్క పెట్టెలో ఎర్రటి వస్త్రము మీద చంటి బిడ్డతో పాటు దుర్గమ్మ ఫోటో కూడా ఉంది. వివరాల్లోకి వెళితే.. ఘాజీపూర్ లోని దాద్రి ఘాట్ వద్ద గంగానదిలో చంటి బిడ్డ ఏడుపులు వినిపించాయి.
ఈ క్రమంలోనే పడవ నడిపే వ్యక్తులు కాసేపు భయాందోళనకు గురయ్యారు. ఇక అంతలోనే సమీపంలో ఒక చెక్క పెట్టె కొట్టుకు వస్తున్నట్లు కనిపించింది. ఇక ఆ తర్వాత ఆ చెక్కపెట్టె నుంచే చంటి బిడ్డ ఏడుపులు వస్తున్నాయని గమనించారు. ఇక చక్కపెట్టె ని పట్టుకొని పడవలో పెట్టారు. ఇక ఆ తర్వాత అది తెరిచి చూసి షాక్ అయ్యారు. అందులో ముక్కుపచ్చలారని చంటి బిడ్డతో పాటు అమ్మవారి ఫోటో కూడా ఉంది.అంతే కాదు అందులో పేపర్ తో పాటు దానిపై ఆ చంటి బిడ్డకు గంగా అని పేరు పెట్టినట్లు రాసి ఉంది. అయితే ఇక పడవ నడుపుతున్న వ్యక్తి తన ఇంటికి చిన్నారిని తీసుకెళ్లి గంగమ్మ తనకు ఈ బిడ్డను ప్రసాదించిందని మురిసిపోయాడు. కానీ పోలీసులకు ఈ విషయం తెలియడంతో చంటి బిడ్డను పెంచుకోవడం కుదరదు అంటూ తేల్చి చెప్పారు. చంటి బిడ్డ ఎలా కొట్టుకుంటు వచ్చింది అనేదానికి దర్యాప్తు ప్రారంభించారు.
