చాలామంది దీన్ని "చెంపదెబ్బ" అని అంటుంటే, మరికొందరు మాత్రం "అబ్బే, సరదాగా ఆటపట్టించుకుంటున్నారు అంతే" అని కామెంట్ చేస్తున్నారు. బ్రిగిట్టే, ఇమ్మాన్యుయేల్ మొదటిసారి 1993లో ఫ్రాన్స్‌లోని అమిన్స్‌లో ఉన్న 'లైసీ లా ప్రోవిడెన్స్' అనే కేథలిక్ పాఠశాలలో కలిశారు. అప్పుడు బ్రిగిట్టే వయసు 39 ఏళ్లు, ఆమె అక్కడ సాహిత్యం బోధించే టీచర్.
ఇమ్మాన్యుయేల్ ఏమో అప్పటికి కేవలం 15 ఏళ్ల కుర్రాడు, ఆమె స్టూడెంట్స్‌లో ఒకడు. ఆ టైంలో బ్రిగిట్టేకి బ్యాంకర్ ఆండ్రీ-లూయిస్ ఔజియేర్‌తో పెళ్లై ముగ్గురు పిల్లలు కూడా ఉన్నారు. అసలు విషయం ఏంటంటే, ఆమె పెద్ద కూతురు, ఇమ్మాన్యుయేల్ ఒకే క్లాస్‌మేట్స్.
మేల్ బ్రన్ రాసిన "బ్రిగిట్టే మాక్రాన్: యాన్ అన్‌ఫెటర్డ్ వుమన్" అనే బయోగ్రఫీ ప్రకారం, వాళ్ల రహస్య ప్రేమాయణం 1994లో బట్టబయలైంది. బ్రిగిట్టే, ఇమ్మాన్యుయేల్ పూల్ దగ్గర కలిసి సన్‌బాత్ చేస్తుండగా ఆమె కుటుంబ సభ్యులు చూశారట. ఈ విషయం తెలియడంతో పెద్ద దుమారమే రేగింది. ఆ తర్వాత బ్రిగిట్టే, ఆమె భర్త విడాకులు తీసుకున్నారు.
ఆమె చుట్టూ ఉన్నవాళ్లు దారుణంగా రియాక్ట్ అయ్యారు. కొందరు ఆమె కుటుంబానికి బెదిరింపు ఉత్తరాలు పంపారు. మరికొందరైతే ఏకంగా ఆమె ఇంటి తలుపుపై ఉమ్మేశారు కూడా. చాలామంది ఫ్రెండ్స్ రాత్రికి రాత్రే ఆమెతో మాట్లాడటం మానేశారు.
అయినా సరే, ఇమ్మాన్యుయేల్ ఆమెకు తోడుగానే ఉన్నాడు. చదువుల కోసం పారిస్ వెళ్లిన తర్వాత కూడా వాళ్లు టచ్‌లోనే ఉన్నారు. "ఇమ్మాన్యుయేల్ చివరికి తన వయసుకు తగ్గ అమ్మాయితో ప్రేమలో పడతాడని, ఈ బంధం ఎక్కువకాలం నిలవదని అనుకున్నాను" అని బ్రిగిట్టే ఒకసారి మీడియాకు చెప్పింది.
కానీ, ఈ జంట కలిసే ఉంది. 2007లో బ్రిగిట్టే విడాకులు ఫైనల్ అయ్యాయి. అదే ఏడాది, ఆమె ఇమ్మాన్యుయేల్‌ను లీ టౌకెట్ అనే పట్టణంలో పెళ్లి చేసుకుంది. దశాబ్దాల క్రితం ఆమె తన మొదటి భర్తను పెళ్లి చేసుకున్నది కూడా అదే ఊర్లో కావడం విశేషం.
ఇమ్మాన్యుయేల్ రాజకీయాల్లో ఎదుగుతున్న కొద్దీ, బ్రిగిట్టే ఆయనకు అండగా నిలబడింది. 2014లో ఆయన ఆర్థిక మంత్రి అయినప్పుడు, ఆయనకు ఫుల్ టైమ్ సపోర్ట్ ఇవ్వడానికి ఆమె తన టీచింగ్ జాబ్‌ను కూడా వదిలేసింది.
2017 అధ్యక్ష ఎన్నికల ప్రచార సమయంలో, ఇమ్మాన్యుయేల్ రేడియో ఫ్రాన్స్ అధిపతితో రహస్యంగా ప్రేమాయణం నడుపుతున్నాడని, బ్రిగిట్టే కేవలం కంటితుడుపు మాత్రమేనని పుకార్లు షికార్లు చేశాయి. ఇమ్మాన్యుయేల్ ఈ రూమర్స్‌ను కొట్టిపారేశారు. మేల్ బ్రన్ ప్రకారం, ఈ గాసిప్‌లతో బ్రిగిట్టే తీవ్రంగా గాయపడి, ఆ సమయంలో మానసికంగా చాలా కుంగిపోయిందట.
ఇక లేటెస్ట్ వైరల్ వీడియో విషయానికొస్తే, అధ్యక్షుడు మాక్రాన్ పరిస్థితిని కూల్ చేసే ప్రయత్నం చేశారు. "నేనూ, నా భార్య సరదాగా జోక్ చేసుకుంటున్నాం. జనాలు ఈ విషయాన్ని మరీ పెద్దది చేస్తున్నారు. అందరూ రిలాక్స్ అవ్వండి" అని ఆయన అన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి