అంగారా ఎయిర్లైన్స్ కు చెందిన ఈ విమానం చైనా సరిహద్దుకు దగ్గరలో ఉన్న ఆమూర్ ప్రాంతంలో టీండా నగరంలో అదృశ్యమైనట్లుగా తెలుస్తోంది. AN -24 విమానం ల్యాండింగ్ స్పాట్ కి దగ్గరగా ఉన్న సమయంలో ఒక్కసారిగా ట్రాఫిక్ కంట్రోల్ రాడార్ స్క్రీన్ నుంచి మాయమైపోయింది.. ఈ విమానం ఇప్పుడు గాల్లోనే పేలిపోయినట్లుగా వినిపిస్తున్నాయి. విమానం ఎక్కడ కూలిపోయి ఉంటుందనే విషయంపై అధికారులు గాలిస్తున్నట్లు సమాచారం.
ప్రాంతీయ గవర్నర్ వాసిలీ ఓర్లోవ్ విమానం అదృశ్యమైనట్లుగా అంగీకరించారు.. ఈ విమానంలో 5 మంది పిల్లలు 6 మంది సిబ్బందితో పాటుగా మరో 43 మంది ప్రయాణికులు ఉన్నట్లుగా తెలియజేశారు. ప్రస్తుతం ఇందుకు సంబంధించి అన్నిచోట్ల గాలిస్తూ ఉన్నట్లు అధికారులు తెలియజేస్తున్నారు. AN -24 విమానం గమ్యస్థానానికి ఇంకా కొన్ని కిలోమీటర్ల దూరంలో ఉన్న సమయంలోనే అదృశ్యమయిందని.. ATC తో సంబంధాలు తెగిపోవడంతో సంబంధం కోసం ప్రయత్నాలు చేసినప్పటికీ విమానానికి సంబంధించి ఆచూకీ దొరకలేదు. దీంతో ఈ ప్రమాదం సంభవించి ఉండవచ్చని తెలియజేస్తున్నారు. అలాగే రష్యా అత్యవసర మంత్రిత్వశాఖ కూడా ఇందుకు సంబంధించి సహాయక చర్యలను చేపడుతోంది. ఈ విమానం ఎక్కడ కుప్పకూలిపోయిందనే విషయంపై గాలిస్తున్నారట. ప్రయాణిక బంధువులకు కూడా నిరంతరం సమాచారాన్ని అందిస్తున్నారట అధికారులు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి