ఈ ప్రాంగణంలో 13.5 లక్షల చదరపు అడుగుల విస్తీర్ణంలో అత్యాధునిక షాపింగ్ మాల్ నిర్మించనున్నట్లు అధికార వర్గాలు తెలిపాయి. సముద్ర తీరానే ఉండే ఈ మాల్ ప్రాంతీయ పర్యాటకాన్ని మరింతగా ఆకర్షించేలా ఉండబోతోంది. అంతేకాకుండా, ప్రభుత్వం ఈ ప్రాజెక్టును ప్రత్యేక కేటగిరీగా పరిగణిస్తూ, మూడు సంవత్సరాల లీజు మాఫీను వర్తింపజేయాలని నిర్ణయించింది. తద్వారా సంస్థపై మొదట్లో పెట్టుబడి భారం తక్కువయ్యే అవకాశం ఉంది. విజయవాడకు మరో లులూ హబ్! ఇదే తరహాలో విజయవాడలోనూ 4.15 ఎకరాల భూమిని లీజుపై కేటాయించేందుకు ప్రభుత్వం ఆమోదం తెలిపింది. ఈ ప్రదేశంలో 2.23 లక్షల చదరపు అడుగుల విస్తీర్ణంలో షాపింగ్ మాల్‌ను ఏర్పాటు చేయనున్నట్లు తెలుస్తోంది. ఈ ప్రాజెక్టుకు కావలసిన స్థలంలో ప్రస్తుతం ఉన్న ఆర్టీసీ నిర్మాణాలను ప్రత్యామ్నాయ స్థలాలకు తరలించేందుకు ఎన్టీఆర్ జిల్లా కలెక్టర్ చర్యలు చేపట్టేలా ప్రభుత్వం ఆదేశించింది.
ఈ ప్రాజెక్టులతో నగరానికి సరికొత్త ఆకర్షణలు, ఉద్యోగావకాశాలు, ఆదాయ వనరులు తగలనున్నాయి. ముఖ్యంగా యువతకు, ఫ్యామిలీ ఆడియన్స్‌కు ఇవి హంగామా, హాస్యం, హైఫై లైఫ్‌స్టైల్‌ను అందించనున్నాయి. ఆర్థిక అభివృద్ధితోపాటు పర్యాటక అభివృద్ధికి ఇవి మైలురాళ్లుగా మారనున్నాయని పారిశ్రామిక వర్గాలు అభిప్రాయపడుతున్నాయి. కోర్టు కేసుల పరిష్కారం & లీజు విధానం: ఇక ఈ భూముల కేటాయింపునకు సంబంధించి ఉన్న లీగల్ ఇష్యూల పరిష్కారానికి apiic మరియు రెవెన్యూ శాఖలు కలిసి చర్యలు తీసుకోవాలని ప్రభుత్వం స్పష్టమైన ఆదేశాలు జారీ చేసింది. అదేవిధంగా, రాష్ట్ర పర్యాటక భూముల కేటాయింపు విధానం 2024–29 ప్రకారం లులూ మాల్స్‌కి భూమి ధరను నిర్ధారించనున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి