కృష్ణాష్టమి కారణంగా ఆదివారం రాత్రి భక్తులు కొంతమంది ఊరేగింపు రథాన్ని లాగుతూ ఉన్న సమయంలో వాహనం మరమ్మతుకు గురి అవ్వడం చేత ఆ రథాన్ని నిలిపివేసి.. మళ్లీ చేతులతో లాగుతూ ముందుకు తీసుకువెళ్లారు. ఈ సమయంలోనే రథానికి విద్యుత్ తీగలు తగులుకున్నాయి ఆ రథాన్ని లాగుతున్న 9మంది యువకులకు కరెంట్ షాక్ కొట్టడంతో ఒక్కసారిగా విసిరివేయగా దూరంగా పడిపోయారు. ఈ ఘటనతో అక్కడ ఉన్న స్థానికులు కూడా భయభ్రాంతులకు లోనైనప్పటికీ అక్కడ ఉన్న కొంతమంది భక్తులు కరెంట్ షాక్ తగిలిన వారిని ప్రాథమిక చికిత్స కోసం ఆసుపత్రికి తరలించారు.
అయితే అప్పటికే అందులో 5 మంది మృతి చెందినట్లుగా వైద్యులు ధ్రువీకరించినట్లు తెలుస్తోంది. మరో నలుగురికి స్థానికంగా ఉన్న ప్రైవేటు ఆసుపత్రిలో చికిత్స అందిస్తున్నారట. ఇలా మృతి చెందిన వారిలో కృష్ణ యాదవ్, శ్రీకాంత్ రెడ్డి, రాజేంద్రరెడ్డి, సురేష్ యాదవ్, రుద్ర వికాస్ ఉన్నట్లుగా అధికారులు గుర్తించారు. అయితే వీరి మృతదేహాలను శవపరీక్ష నిమిత్తం గాంధీ ఆసుపత్రికి తరలించినట్లుగా తెలుస్తోంది. గాయపడిన వారిలో కేంద్ర మంత్రి కిషన్ రెడ్డి గన్మెన్ కూడా ఉన్నట్లుగా వినిపిస్తున్నాయి. మొత్తానికి కృష్ణాష్టమి రోజున ఇలాంటి విషాద సంఘటనలు జరగడంతో రామంతపూర్ లోని ప్రజలు తీవ్ర దిగ్భ్రాంతికి గురవుతున్నారు. మరి ఈ విషయం పైన తెలంగాణ ప్రభుత్వం ఏ విధంగా స్పందిస్తుందో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి