ఓ పెద్ద ఏనుగు ఫ్యాంటు, షర్టు వేసుకుని వీధుల్లోకి వచ్చింది. ఇదేదో కార్టూన్ కాదండోయ్. నిజంగానే ఏనుగు దుస్తులు వేసుకుంది. అంతేకాదండోయ్.. ఫ్యాంటు జారిపోకుండా బెల్టు కూడా పెట్టుకుంది. అడుగులు వేసుకుంటూ షికారుకు వెళ్లింది. జంబో గారు.. అలా ఠీవిగా నడుస్తుంటే.. జనాలు నోరెళ్లబెట్టి మరీ చూశారు. అంతేకాదు.దాని ఫొటోలు తీసి తమ బంధుమిత్రులకు షేర్ చేశారు.సోషల్ మీడియాలో ఎప్పుడూ యాక్టీవ్గా ఉండే ప్రముఖ పారిశ్రామికవేత్త ఆనంద్ మహీంద్రకు సైతం ఈ ఏనుగు ఫోటో చూసి ఫిదా అయ్యారు. ఫన్నీ కామెంట్లతో తన ఫాలోవర్లను ఆకట్టుకొనే ఆయన ఈ ఫొటోను ట్వీట్ చేశారు. చొక్కా, ఫ్యాంట్ ధరించిన ఆ ఏనుగును చూసి ఫన్నీగా కామెంట్ చేశారు. ఇన్క్రెడిబుల్ ఇండియా.
ఎలీ-ప్యాంట్అని క్యాప్షన్ ఇచ్చారు.ఈ ఫొటోలో ఏనుగు బుద్ధిగా ఊదా రంగు చొక్కా, తెల్ల ఫ్యాంట్ ధరించి.. మావటి వెనుక అడుగులో అడుగు వేసుకుంటూ ముందుకు సాగుతోంది. దీంతో ఈ ఫొటో క్షణాల్లో వైరల్గా మారింది. అయితే, నెటిజనులు ఈ ఫొటోను చూసి కామెంట్లు చేయకుండా ఉండలేకపోతున్నారు. మావటి లుంగీ ధరిస్తే.. ఏనుగు చూశారా ఫ్యాంట్ షర్టు వేసుకుని ఎంత దర్జాగా నడుస్తుందోనని కామెంట్లు చేస్తున్నారు. ఇంకొందరైతే టక్ జగదీష్ జంబో వెర్షన్ అని అంటున్నారు. అయితే, ఎక్కువ మంది దీన్ని ఫన్నీగా చూడొద్దని, ఇది వన్య ప్రాణులను హింసించే చర్య అని విమర్శిస్తున్నారు. మరి ఈ ఫొటో చూస్తుంటే మీకు ఏం అనిపిస్తుందో ఇక్కడ కామెంట్ చేసి చెప్పండి.