అయితే ఇంతగా వకీల్ సాబ్ సినిమాను టార్గెట్ చేయడానికి ప్రధానంగా మూడు అంశాలు కారణాలుగా కనిపిస్తున్నాయి. వాటిలో మొదటిది.. పవన్ ఫ్యాన్స్ను రెచ్చగొట్టి.. ఆ ఫ్యాన్స్ కంట్రోల్ తప్పితే.. దాన్ని నియంత్రణ లేని మూకగా ప్రజల ముందు నిలెబెట్టడం అన్నది ప్రధానంగా కనిపిస్తోంది. సాధారణంగానే పవన్ ఫ్యాన్స్ అంటేనే కాస్త ఎమోషనల్ గా ఉంటారు. ఇక తమ హీరో సినిమాకు అడ్డంకులు కల్పిస్తే సహజంగానే వారు వైల్డ్ గా రియాక్టవుతారు. అలాంటి ఘటనల ఆధారంగా జనసేనపై ఓ ముద్ర వేసే ప్రయత్నం జరిగిందన్నది ఓ వాదన.
మరో విషయం ఏంటంటే.. తిరుపతి ఉపఎన్నికలలో అటు టీడీపీ, బీజేపీ-జనసేన రెండు విడిగా పోటీ చేస్తున్నాయి. ఈ పోటీలో బీజేపీ-జనసేన వీక్గా ఉంటే.. అది టీడీపీకి లాభిస్తుంది. ఎందుకంటే రాయలసీమలో బలిజ సామాజిక వర్గం ఎక్కువగా కనిపిస్తుంది. ఇప్పటి వరకూ వీరంతా బలంగా టీడీపీకి అనుకూలంగా ఉంటూ వచ్చారు. జనసేన వచ్చిన తర్వాత వారు పవన్ వైపు మళ్లుతున్నా అది పూర్తిగా జరగడం లేదు.
అలా పవన్ ఫ్యాన్స్ను ఏకం చేయాలంటే ఇలాంటి అడ్డంకులు సృష్టించాలి.. అలా జరిగితే.. బలిజ సామాజిక వర్గం అంతా ఏకమైన బీజేపీ-జనసేనకు ఓట్లేస్తుంది. అది టీడీపి ఓట్లను గణనీయంగా తగ్గిస్తుంది.. ఇదీ మరో వ్యూహంగా కనిపిస్తోంది. మరి ఈ వ్యుహాలు ఎంతవరకూ ఫలిస్తాయో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి